నితిన్ హీరోగా నటిస్తున్న తాజా సినిమా ‘మాచర్ల నియోజకవర్గం’. ఈ సినిమాను నితిన్ సొంత బ్యానర్లో నిర్మిస్తున్నారు. అయితే.. గ్రామీణ నేపథ్యంలో పోలిటికల్ థ్రిల్లర్ జోనర్లో నడిచే ఈ సినిమాతో, దర్శకుడిగా రాజశేఖర్ రెడ్డి పరిచయమవుతున్నాడు. ఈ సినిమాలో నితిన్‌కు జోడీగా అందాల భామ కృతి శెట్టి నటిస్తోంది. అయితే.. మరో కథానాయికగా కేథరిన్ అలరించనున్న ఈ సినిమాలో, ‘రాజప్ప’గా సముద్రఖని ఒక కీలకమైన పాత్రను పోషిస్తున్నారు. ఆయన పాత్రకి సంబంధించిన పోస్టర్ ను కొంతసేపటి క్రితం రిలీజ్ చేశారు.
నెరసిన జుట్టు .. గుబురు మీసాలుతో కాస్త వయసు మళ్లిన పాత్రలో .. ఊరికి పెద్దమనిషి అనుకునే తరహాలో కనిపిస్తున్నాడు. తెలుగులో సముద్రఖని పాత్ర కోసం ఈ స్థాయిలో డిఫరెంట్ లుక్ తో కనిపించడం ఇదే ఫస్టు టైమ్. ఆయన లుక్ ను బట్టి పాత్ర చాలా పవర్ఫుల్ అనే విషయం తెలిసిపోతూనే ఉంది. మహతి స్వరసాగర్ సంగీతాన్ని సమకూర్చిన ఈ సినిమాను ఆగస్టు 12వ తేదీన విడుదల చేసేందుకు సన్నాహాలు చేస్తున్నారు మేకర్స్‌.
