ఇప్పుడు మన తెలుగులో ఎంతో ఆశగా ఎదురు చూస్తున్న సినిమాలు రెండు ఉన్నాయి. ఒకటి ఆచార్య అయితే రెండు ఆర్ఆర్ఆర్. ట్రిపుల్ ఆర్ కోసం ప్రేక్షకులు ముందు నుంచి కూడా ఎంతో ఆసక్తిగా ఉన్నారు. ఈ సినిమా ప్రకటన నుంచి షూటింగ్ వరకు ఎన్టీఆర్ రామ్ చరణ్ పాత్ర వరకు అన్నీ కూడా ఒక సంచలనం అనే సంగతి తెలిసిందే. ఈ సినిమాలో ఎన్టీఆర్ కొమరం భీమ్ గా నటిస్తున్న సంగతి తెలిసిందే.
రామ్ చరణ్ అల్లూరి సీతారామ రాజు పాత్రలో నటిస్తున్నాడు. ఈ సినిమా వచ్చే ఏడాది జనవరి 8 న ప్రేక్షకుల ముందుకు వస్తుంది. ఇక ఆచార్య సినిమా విషయానికి వస్తే చిరంజీవి కొరటాల శివ కాంబినేషన్ లో వస్తున్న ఈ సినిమా గురించి కూడా చర్చలు జరుగుతున్నాయి. ఈ సినిమాలో చిరంజీవి పాత్ర ఏ విధంగా ఉంటుంది అనేది ఇప్పటి వరకు ఎలాంటి స్పష్టత కూడా పూర్తి స్థాయిలో రాలేదు.
అయితే ఈ రెండు సినిమాలను మరో ఆరు నెలలు వాయిదా వేసే ఆలోచనలో చిత్ర యూనిట్ ఉంది. కరోనా కారణంగా ఈ సినిమాలు షూటింగ్ వాయిదా పడ్డాయి. ఇప్పుడు ఈ సినిమాలను రీ షూట్ కూడా చేసే ఆలోచనలో ఉన్నారు. ఎప్పుడు లాక్ డౌన్ ఆగిపోతుంది అనేది స్పష్టంగా తెలియదు. దీనితో షూటింగ్ ఆలస్యం అవుతుంది కాబట్టి… దానికి తోడు రీ షూట్ కూడా ఉంది కాబట్టి వాయిదా వేసే ఆలోచనలో ఉన్నారట.
