టాలీవుడ్ ప్రముఖ సింగర్ సునీత తాజాగా కరోనా నుంచి కోలుకున్నారు. కొద్ది రోజుల క్రితం తనకు వైరస్ సోకిందని.. అయితే ప్రసుతం దాని నుంచి పూర్తిగా కోలుకున్నట్లు ఆమె వెల్లడించారు. ఈ మేరకు సునీత ఫేస్‌బుక్‌లో ఓ వీడియోను పోస్ట్‌ చేశారు. అయితే ప్రస్తుతం వైద్యుల సలహా మేరకు హోం ఐసోలేషన్‌లో ఉన్నట్టు తెలిపారు. మరోవైపు ఎస్పీ బాలు కరోనా నుంచి కోలుకోవాలని ప్రార్ధిస్తున్నట్టు సునీత తెలిపింది. అలాగే సింగర్ మాళ‌విక కూడా కరోనా బారిన పడ్డట్టు తెలుస్తుంది. ఇటీవ‌ల ఓ టీవి షో కోసం ఏర్పాటు చేసిన సంగీత కార్య‌క్ర‌మంలో సునీత, మాళ‌విక పాల్గొన్నార‌ట.
అక్క‌డే వారికి కరోనా సోకిన‌ట్టు నిర్ధార‌ణ అయ్యింది. అంతే కాకుండా ఈ కార్య‌క్ర‌మంలో పాల్గొన్న వారంతా క‌రోరా బారిన ప‌డిన‌ట్టు వార్త‌లు వినిపిస్తున్నాయి. కాగా, ఇప్పటికే బండ్ల గణేష్, రాజమౌళి, డీవీవీ దానయ్య, తేజ, నాగవంశీ మరికొంత మంది ప్రముఖులు కరోనా బారిన పడి కోలుకున్నారు.
