ఆస్ట్రేలియా మాజీ స్పిన్నర్ బ్రాడ్ హాగ్ భారత ఆటగాడు రిషబ్ పంత్ పై ప్రశంసల జల్లు కురిపించాడు. ఎలాంటి పరిస్థితుల్లో అయినా అతడి ఆటతీరు చాలా మెరుగ్గా ఉందని, మరో పది సంవత్సరాల పాటు ఇండియాకి అతడు సూపర్ స్టార్ గా ఎదుగుతాడని వ్యాఖ్యానించారు. ప్రపంచ టెస్టు ఛాంపియన్ షిప్ ఫైనల్ మ్యాచుకి ముందు జరిపిన సంభాషణలో ఈ ప్రశంసలు కురిపించాడు. పది సంవత్సరాల్లో భారత జట్టులో కీలక పాత్ర పోషిస్తాడని, సూపర్ స్టార్ అవుతాడని అన్నారు.
రిషబ్ పంత్ పై గతంలో చాలా విమర్శలు వచ్చిన సంగతి తెలిసిందే. ఆస్ట్రేలియా టూర్ తర్వాత రిషబ్ పంత్ బ్యాటింగ్ ప్రదర్శనలో మార్పు స్పష్టంగా కనిపిస్తుంది. అందువల్లే టెస్టు క్రికెట్ లో వృద్ధిమాన్ సాహాని కాదని మరీ పంత్ ని తీసుకున్నారు. అదీగాక ఐపీఎల్ లో ఢిల్లీ తరపున ఆడిన పంత్, 8మ్యాచుల్లో 213పరుగులు చేసాడు. గాయం కారణంగా శ్రేయాస్ అయ్యర్ ఆటకి దూరమైతే కెప్టెన్ గా వ్యవహరించాడు. ఐతే ఈ ఐపీఎల్ టోర్నమెంట్ సెప్టెంబర్ కి వాయిదా పడింది.
