ఈ రోజు వరల్డ్ కప్ క్వాలిఫైయర్స్ లో భాగంగా జింబాబ్వే మరియు ఒమన్ జట్ల మధ్యన సూపర్ సిక్స్ మ్యాచ్ జరుగుతోంది. ముందుగా బ్యాటింగ్ చేసిన జింబాబ్వే ఈ సిరీస్ లో మరోసారి తన సత్తా చాటింది., ఈ జట్టు నిర్ణీత ఓవర్ లలో 7 వికెట్ల నష్టానికి 332 పరుగులు చేసింది. ఈ మ్యాచ్ లోనూ ఫస్ట్ డౌన్ లో వచ్చిన సీనియర్ ప్లేయర్ సీన్ విలియమ్స్ మరో సెంచరీ బాదాడు. ఇప్పటికే యూఏఈ పైన భారీ సెంచరీ సాధించిన విలియమ్స్ మళ్ళీ ఒమన్ పైన సెంచరీ చేసి సూపర్ ఫామ్ ను కొనసాగించాడు. ఇతని 142 పరుగుల ఇన్నింగ్స్ లో మొత్తం 14 ఫోర్లు మరియు 3 సిక్సులు ఉన్నాయి. ఇతనికి సికందర్ రాజా 42 మరియు ల్యూక్ జాన్వే 43 ల నుండి చక్కని సహకారం లభించింది.
