టీమ్ ఇండియా స్టార్ బ్యాటర్ విరాట్ కోహ్లీ గ్రౌండ్లో తన పర్ఫామెన్స్ అదరగొట్టడమే కాదు.. అప్పుడప్పుడు తన అల్లరి చేష్టలతో అభిమానలను ఆకర్షిస్తూ ఉంటాడు. ఒక్కసారి మైదానంలోకి దిగాడంటే కోహ్లీ డిఫరెంట్గా మారిపోతాడు. ఇక ఇండియా గెలిచినప్పుడు ఈ స్టార్ బ్యాటర్ సంబురాలు చూడాలి. డ్యాన్స్ చేస్తూ.. చిల్ అవుతూ.. చిన్న పిల్లాడిలా మారిపోతాడు. విరాట్ అల్లరికి సంబంధించి ఇప్పటికే సోషల్ మీడియాలో ఎన్నో వీడియోలు వైరల్ అవుతున్నాయి. పరుగులతో హడలెత్తించే ఈ ప్లేయర్ అప్పుడప్పుడు మైదానంలో చిందులేస్తున్న వీడియోలకు ఇప్పటికే ఫ్యాన్స్ నీరాజనాలు పట్టారు.
అయితే తాజాగా విరాట్ మోరోసారి డ్యాన్సర్‌ అవతారం ఎత్తాడు. విండీస్‌తో జరిగిన తొలి టెస్టు మూడో రోజు ఆట సమయంలో తన డ్యాన్సింగ్‌ మూమెంట్స్‌తో ఆడియెన్స్ను అలరించాడు. స్లోగా బాడీని మూవ్ చేస్తూ.. చిరు చిరు స్టెప్పులతో ఆకర్షించాడు. ప్రస్తుతం ఈ వీడియోలు నెట్టింట తెగ వైరల్ అవుతున్నాయి. మరోవైపు ఇదే టెస్టులో శుభ్‌మన్‌ గిల్ కూడా మైదానంలో డ్యాన్స్ చేశాడు. సోషల్ మీడియాలో ప్రస్తుతం ఈ వీడియోలు హల్ చల్ చేస్తున్నాయి. వీటిని చూసి అభిమానులు విరాట్, గిల్ డ్యాన్స్ అదరహో అంటూ కామెంట్లు వస్తున్నాయి.
Kohli reminding us all that it's Friday night, after all!@imVkohli
..#INDvWIonFanCode #WIvIND pic.twitter.com/mPLidCSKW2
— FanCode (@FanCode) July 14, 2023
