బీసీసీఐ చీఫ్ సెలక్టర్ పదవికి ఆ బోర్డు దరఖాస్తులను ఆహ్వానించింది. ఈ నేపథ్యంలో.. గౌతమ్ గంభీర్, యువరాజ్ సింగ్, హర్భజన్ సింగ్, వీరేంద్ర సెహ్వాగ్ లాంటి పలు మాజీ క్రికెటర్ల పేర్లు తెరపైకి వచ్చాయి. అయితే ఆ పోస్టు కోసం బోర్డు ఇదివరకే మాజీ స్టార్ బ్యాటర్ వీరేంద్ర సెహ్వాగ్ను సంప్రదించిందనే వార్తలు చక్కర్లు కొడుతున్నాయి. దీనిపై వీరూని ప్రశ్నించగా ఆ వార్తలు అవాస్తవమని తోసిపుచ్చాడు.
“సీఓఏ (కమిటీ ఆఫ్ అడ్మినిస్ట్రేటర్స్) మీటింగ్ సమయంలో, సెహ్వాగ్ను ప్రధాన కోచ్ ఉద్యోగం కోసం దరఖాస్తు చేయమని అడిగారు. కానీ అది అనిల్ కుంబ్లేకు వెళ్లింది. ఇప్పుడు ఈ పోస్ట్కు అతడు దరఖాస్తు చేసుకునే అవకాశం లేదు. ప్యాకేజీ కూడా అతడి స్థాయి ఉన్నవారికి ఆర్థికంగా లాభదాయకం కాదు.” అని ఓ బీసీసీఐ తెలిపినట్లు వార్తలు వచ్చాయి. ప్రస్తుతం సెహ్వాగ్ పలు ప్లాట్ఫారమ్లపై అనలిస్ట్గా ఉంటూ.. అందుకు తగిన జీతభత్యాల్ని తీసుకుంటున్నాడు. దీంతో రూ. కోటి ప్యాకేజీ ఇచ్చే ఈ చీఫ్ సెలెక్టర్ పదవికి దరఖాస్తు చేసుకునే అవకాశం లేదని.. ఓ బీసీసీఐ అధికారి వెల్లడించినట్లు ఆంగ్ల మీడియా పేర్కొంది.
