Bigg Boss 5 Telugu: బిగ్ బాస్ తెలుగు 5 విజ‌య‌వంతంగా ఆరోవారాలు పూర్తి చేసుకుని ఏడో వారం లోకి అడుగుపెట్టింది. అయితే ప్రతి ఆదివారం హౌస్ నుంచి ఒక్కో స‌భ్యుడు ఎలిమినేట్ అవుతూ ఉంటారు అన్న సంగతి తెలిసిందే.. అయితే ఈ వారం ఎవరు ఎలిమినేట్ అవుతున్నారు అనే విషయం మీద తీవ్రమైన ఆసక్తి నెలకొంది. మునుపెన్నడూ లేని విధంగా శ‌నివారమే.. లోబోను ఎలిమినేట్ అవుతున్న‌ట్టు ప్ర‌క‌టించి.. ఇటు ప్రేక్ష‌కుల్లోనూ.. అటు బిగ్ బాస్ ల‌వ‌ర్స్‌లోనూ ఓ ర‌కమైన భ‌యం , ఉత్కంఠను నింపాడు. తీరా అది ఎలిమినేష‌న్ కాదు.. సీక్రెట్ రూంకు పంపుతున్నానంటూ అస‌లు విషయం బ‌య‌ట పెట్టాడు.
సీక్రెట్ రూంలోకి పంప‌డమే ఇలా ఉంటే.. మ‌రి ఎలిమినేష‌న్ ఎలా చేశార్రా బాబోయ్ అనే ఆసక్తి అంద‌రిలో నెలకొంది. ఈ సారి ఎలిమినేట్ ఏకంగా 10 మంది కంటెస్టెంట్స్ నిల‌వ‌గా.. అందులో నలుగురు శ‌నివారమే సేఫ్ జోన్లో ఉన్న‌ట్టు ప్ర‌క‌టించారు. ఈ క్రమంలో ఎవరు ఎలిమినేట్ కాబోతున్నారు అనే విషయం మీద ప్రేక్షకలోకం అంత ఆసక్తిగా వేచి చూసింది. ఇక నిన్న‌టి డే ఫండే అనిపించేలా కంటెస్టెంట్ల‌లో పుల్ జోష్ నింపాడు కింగ్ నాగ్. ఫ‌న్నీ గేమ్స్ తో బిగ్ బాస్ ల‌వ‌ర్స్ ను అల‌రించారు. గొడవలు, అపార్దాలు, ట్విస్ట్, ఎలిమినేషన్‌తో నిన్న‌టి ఎపిసోడ్ చాలా సాలిడ్ గా సాగింది.
లోబో సీక్రెట్ రూంలోకి వెళ్ల‌డంతో ఇంటి స‌భ్యులు చాలా ఎమోష‌నల్ అయ్యారు. ఇక రవి త‌న బంటు లోబో సీక్రెట్ రూం కి వెళ్ల‌డంతో .. చాలా బాధప‌డ్డారు. లోబో తండ్రి మరణించిన విషయాన్ని గుర్తు చేసుకుంటూ క‌న్నీటీ ప‌ర్యంతం అయ్యారు. ఆ తరువాత.. పిప్పిప్పీ అనే స‌రాదా గేమ్ ని ఆడించారు. ఈ గేమ్ లో భాగంగా హౌస్ స‌భ్యులంద‌రిని రెండు టీంలుగా వీడ‌గొట్టారు.
ఇందులో టీం ఏ సభ్యులుగా సరి, షన్ను, కాజల్, శ్రీరామ, ప్రియాంక, విశ్వలను ఫిక్స్ చేశాడు. రవిని సంచాలక్‌గా నియమించాడు. మిగిలిన వారందరినీ టీం బీ సభ్యులుగా పెట్టేశాడు. ఈ గేమ్ లో ఎవ‌రూ ఊహించ‌ని విధంగా అందరికంటే ఎక్కువగా, వేగంగా కాజల్ ఆ పాటలను గెస్ చేసింది. విన్న‌ర్ గా నిలిచింది. ఇక ఈ ఆట ముగిసే సమయానికి నాగార్జున నలుగురు సేఫ్ అయినట్టు ప్రకటించాడు.
ఆ తరువాత..బొమ్మల టాస్క్ పెట్టారు.. ఈ గేమ్ చాలా ఉత్కంఠ భ‌రితంగా జ‌రిగింది. ప్రియాంక, షన్నులు సేఫ్ అయినట్టు ప్రకటించాడు. ఆ తరువాత.. పిగ్గీ బ్యాంకు అనే గేమ్ పెట్టారు. ఈ గేమ్ జ‌రుగుతున్న సేపు.. ఇటు ప్రేక్ష‌కుల్లో.. అటు కంటెస్టెంట్ల‌లోనూ ఒక‌టే ఉత్కంఠ.. కంటెస్టెంట‌ల‌కు చ‌మ‌ట‌లు ప‌ట్టించారు. ఫైన‌ల్ గా శ్రీరామ్, సన్నీలు సేఫ్ అయినట్టు ప్రకటించాడు.
ఆ తరువాత కళ్లకు గంతలు కట్టి మరో గేమ్ ఆడించాడు. ఈ గేమ్ ద్వారా విశ్వ, రవి ఇద్దరూ కూడా సేఫ్ అయ్యారు. మిగిలింది.. సిరి, జెస్సీ, శ్వేతాలు .. వారితో ఓ గేమ్ ఆడించి.. జెస్సీ సేఫ్ అయినట్టు నాగ్ ప్రకటించేశాడు. మిగిలింది.. సిరి, శ్వేత‌లు.. మ‌రోసారి ఉత్కంఠ క‌ట్ట‌లు తెచ్చుకుంది. వారిద్ద‌రిని గార్డెన్ ఏరియాకు రమ్మన్నాడు. వారిద్ద‌రి సుత్తితో డబ్బాను పగలగొట్టే గేమ్ ను పెట్టారు. టెన్ష‌న్ టెన్ష‌న్ గా బాక్సులు ప‌గ‌లు గొట్టారు.
కానీ ఎవ‌రూ ఊహించ‌ని విధంగ అందులో మరో బాక్స్ బ‌య‌ట‌ప‌డింది. ఈ బాక్సుల‌ను తీసుకుని లివింగ్ ఏరియాకు తీసుకురమ్మన్నాడు. ఆ డబ్బాలో సిరి బొమ్మ ఉండటంతో ఆమె సేఫ్ అయినట్టు నాగ్ ప్రకటించాడు. దీంతో చివరగా మిగిలిన శ్వేతాను ఎలిమినేట్ అయిందని నాగ్ చెప్పడంతో ఆనీ మాస్టర్ వెక్కి వెక్కి ఏడ్చేసింది. అందరి నుంచి వీడ్కోలు తీసుకుని శ్వేత బయటకు వచ్చింది.
