తెలుగుదేశం పార్టీ పొలిట్ బ్యూరో సమావేశం ఎన్టీఆర్ ట్రస్ట్ భవన్ లో ప్రారంభమైంది. పార్టీ అధినేత నారా చంద్రబాబు నాయుడు ఆధ్వర్యంలో జరుగుతున్న ఈ సమావేశాలకు తెలంగాణ, ఆంధ్రప్రదేశ్ నేతలు హాజరయ్యారు. ఈ సమావేశంలో తెలంగాణలో పార్టీ పునరుద్ధరణ పై చర్చించే అవకాశం ఉంది. అలాగే 2024 ఎన్నికలలో పోటీ చేసేందుకు స్నేహపూర్వక పార్టీతో పొత్తు పెట్టుకోవాలని కూడా తెలుగుదేశం పార్టీ యోచిస్తోందట.
ఇక ఈ సమావేశంలో 20 అంశాలపై చర్చ జరగనున్నట్లు తెలుస్తోంది. తెలంగాణకు సంబంధించిన నాలుగు అంశాలపై చర్చించి తీర్మానం చేయనున్నారు. అకాల వర్షాలు, పంట నష్టం, సభ్యత్వ నమోదు, పార్టీ సంస్థాగత బలోపేతం తదితర అంశాలపై సమావేశంలో చర్చించనున్నారు.
