ఎన్నో నెలలుగా పెండింగ్ లో ఉన్న బిల్లుకు ఎట్టకేలకు మోక్షం లభించింది. ద్రవ్యవినిమయ బిల్లుకు గవర్నర్ తమిళిసై సౌందరరాజన్ ఆమోదముద్ర వేశారు. ఈ నెల మూడో తేదీ నుంచి 12వ తేదీ వరకు అసెంబ్లీ సమావేశాలు జరిగాయి. అసెంబ్లీలో చివరి రోజు ద్రవ్యవినిమయ బిల్లుపై చర్చ చేశారు. 2023 – 24 ఆర్థిక సంవత్సరం బడ్జెట్కు సంబంధించిన రెండు బిల్లులను గవర్నర్ ఆమోదించారు. గవర్నర్ ఆమోదంతో రాష్ట్ర ప్రభుత్వం ఉత్తర్వులు జారీ చేసింది. దీంతో రెండు బిల్లులు చట్టరూపం దాల్చాయి.
రెండు చట్టాలను గెజిట్ నోటిఫికేషన్లో ప్రచురించేందుకు అనుమతిస్తూ ఉత్తర్వులు జారీ చేశారు. వచ్చే ఆర్థిక సంవత్సరానికి రాష్ట్ర వార్షిక ప్రణాళికకు సంబంధించిన ద్రవ్యవినిమయ బిల్లులను శాసనసభ ఈ నెల 12వ తేదీన ఆమోదించింది. వాటిని మంగళవారం రోజున రాజ్ భవన్కు పంపారు. గవర్నర్ తమిళిసై ఆమోదముద్ర వేయడంతో ద్రవ్యవినిమయ బిల్లులు చట్టరూపం దాల్చాయి.
