రెవెన్యూ శాఖ ప్రక్షాళన దిశగా తెలంగాణా సర్కార్ కీలక నిర్ణయం తీసుకుంది. ఆ మేరకు ప్రభుత్వం మరో అడుగు వేసింది. అదేంటంటే గత 5 సంవత్సరాల వార్షిక రహస్య నివేదికలు ఇవ్వాలి అని రెవిన్యూ అధికారులను ప్రభుత్వం ఆదేశించింది. డిప్యూటీ కలెక్టర్లను, తహశీల్దార్ ల వార్షిక నివేదికలు ఇవ్వాలని కలెక్టర్లని ఆదేశిస్తూ అంతర్గత సర్క్కులర్ జారీ చేసింది తెలంగాణా సర్కార్. ఈ నివేదికల ఆధారంగానే పదోన్నతులు ఉండే అవకాశం కనిపిస్తోంది.
ఈ రోజు తమ కోరికల చిట్టాను సీఎస్ సోమేశ్ కుమార్ ముందు తెలంగాణ రెవెన్యూ అధికారులు ఉంచారు. అంతలోనే అంతర్గత సర్క్కులర్ రావడంపై విస్తృత చర్చ జతుగుతోంది. 5 సంవత్సరం నివేదిక అడగడంతో ఎవరి లోపాలు బయట పడుతాయో అని ఆందోళనలో మునిగిపోయారు రెవెన్యూ అధికారులు. ఎప్పుడో చేసిన తప్పులు ఇప్పుడు తమ ప్రమోషన్ కు ఎక్కడ అడ్డు వస్తాయో అని వారిలో గుబులు మొదలయింది.
