బండి సంజయ్ అరెస్ట్ లో పోలీసులు రూల్స్ మరిచారా ?

ఈ రోజు ఉదయం తెలంగాణ బీజేపీ అధ్యక్షుడు బండి సంజయ్ ను అరెస్ట్ చేసిన అనంతరం రాష్ట్ర వ్యాప్తంగా నిరసన జ్వాలలు చెలరేగుతున్నాయి. ఒకవైపు బీజేపీ ప్రజాప్రతినిధులు ఏ కారణం చెప్పకుండా ఎందుకు అరెస్ట్ చేస్తారు అంటూ ఫైర్ అవుతుంటే, బి ఆర్ ఎస్ నేతలు ఈ కామెంట్ లకు కౌంటర్ లు ఇస్తున్నారు. ఇక సాయంత్రానికల్లా మొత్తం అన్ని విషయాలు బయటకు రావడంతో బీజేపీ ప్రజాప్రతినిధులు కాస్త వెనక్కు తగ్గారని చెప్పాలి. బండి సంజయ్ ఫోన్ కు పేపర్ ఫోటో రావడమే అరెస్ట్ కారణం అయింది. కాగా ఈ విషయాన్ని ఈ రోజు లోక్ సభలో పార్లమెంట్ లోపల మరియు బయట బీజేపీ ఎంపీలు నిరసన వ్యక్తం చేస్తున్నారు.

ఈ అరెస్ట్ చట్టవ్యతిరేకంగా జరిగిందంటూ స్పీకర్ కు కంప్లైంట్ చేశారు. మాములుగా ఒక విధానం ప్రకారం పార్లమెంట్ మెంబెర్ ను అరెస్ట్ చేస్తే ముందుగా లోక్ సభ స్పీకర్ కు ఖచ్చితంగా సమాచారం అందించాల్సి ఉంది. కానీ ఈ విషయంలో పోలీసులు చట్టప్రకారం నడుచుకోలేదని క్లియర్ గా అర్ధమవుతోంది అంటూ బీజేపీ ఎంపీలు స్పీకర్ కు నోటీసులు ఇచ్చారు. మరి లోక్ సభ స్పీకర్ ఓం బిర్లా ఎలా స్పందిస్తారు అన్నది చూడాలి.