తెలంగాణ రాష్ట్ర విద్యార్థులకు శుభవార్త. తెలంగాణ రాష్ట్రంలోని పలు విద్యాసంస్థలతో పాటు ప్రభుత్వ కార్యాలయాలకు ఈరోజు సెలవు ప్రకటించారు. కార్తీక పౌర్ణమి, గురునానక్ జయంతి సందర్భంగా పబ్లిక్ హాలిడే ప్రకటించారు. అటు ఏపీలో కూడా శుక్రవారం ఆప్షనల్ హాలిడే మాత్రమే ఇచ్చారు. దీంతో కొన్ని ప్రాంతాల్లో మాత్రమే విద్యాసంస్థలకు సెలవు ఉండే అవకాశాలు ఉన్నాయి.
కాగా, తెలంగాణలో ప్రస్తుతం కార్తీక మాస శోభ సంతరించుకుంది. ఈ నేపథ్యంలో తెలంగాణలోని అన్ని ఆలయాలు భక్తులతో కిటకిటలాడుతున్నాయి. భక్తులు దేవాలయాలకు వచ్చి దేవుడిని దర్శనం చేసుకున్న అనంతరం దీపాలు వెలిగించి వారి భక్తిని చాటుకుంటున్నారు. ఎన్నడూ లేనంతగా ఈ సంవత్సరం విపరీతంగా ఆలయాలలో భక్తుల రద్దీ కొనసాగుతోంది.
