మునుగోడులో రైతును చితకబాదిన ఏఎస్ఐ !

మునుగోడులో పోలీసులు దౌర్జన్యానికి దిగారు. మునుగోడులో రైతును చితకబాదాడు ఓ ఏఎస్ఐ. ఇద్దరు రైతుల మధ్య భూవివాదం కొంతకాలంగా నడుస్తోంది. అయితే… పోలీస్ స్టేషన్‌కు తీసుకెళ్లే క్రమంలో పొలం పనులు ముగించుకుని వస్తానని ప్రాధేయపడ్డాడు రైతు ముత్యాలు. కానీ అక్కడే ఉన్న ఏఎస్‌ఐ రెచ్చిపోయాడు.

అందరి ముందు రైతును చితకబాదాడు మునుగోడు ఏఎస్ఐ కోఠిసింగ్. ఈ సంఘటన కు సంబంధించిన వీడియో వైరల్‌ గా మారింది. ఈ సంఘటనపై చర్యలు తీసుకోవాలని రైతులు డిమాండ్‌ చేస్తున్నారు. రైతును కొట్టే అధికారం మునుగోడు ఏఎస్ఐ కోఠిసింగ్ కి ఎవరూ ఇచ్చారని మండిపడుతున్నారు రైతులు.