తెలంగాణ అసెంబ్లీ ఎన్నికల్లో పారదర్శకంగా అభ్యర్థులను ఎంపిక చేయాలని భావించిన కాంగ్రెస్ ఆశావహుల నుంచి దరఖాస్తులు ఆహ్వానించిన విషయం తెలిసిందే. ఈ దరఖాస్తులను వివిధ దశల్లో వడబోసి ఎట్టకేలకు 58 స్థానాల్లో అభ్యర్థులను ఖరారు చేసింది.
ఈ నేపథ్యంలో శాసనసభ ఎన్నికలకు బరిలో నిలిచే అభ్యర్థుల తొలి జాబితాని ఈరోజు కాంగ్రెస్ విడుదల చేయనుంది. ఈ తరుణంలోనే.. చెన్నూరు, కొత్తగూడెం సీట్లు సీపీఐకి ఖరారు చేసింది కాంగ్రెస్ పార్టీ. కొత్తగూడెం నుంచి కూనం నేనీ సాంబ శివ రావు పోటీ చేయనున్నారు. ఈ మేరకు డి.రాజాకి ఫోన్ చేసిన కేసీ వేణుగోపాల్… చెన్నూరు, కొత్తగూడెం సీట్లు సీపీఐకి ఖరారు చేసినట్లు వివరించారు. ఇక సీపీఎం సీట్ల క్లారిటీ రావాల్సి ఉంది. మొత్తంగా చూస్తే.. వామపక్షాలు పొత్తుకు సంబంధించి ఐదుస్థానాలు పక్కన పెట్టారని సమాచారం.
