కాంగ్రెస్ పార్టీ మెదక్ ఎమ్మెల్యే డాక్టర్ మైనంపల్లి రోహిత్ ఫారిన్ కార్లలో సచివాలయానికి వస్తుండడం చూసాం. తాజాగా ఆయన చేతికి ధరించిన వాచ్ గురించి నెట్టింట చర్చ జరుగుతోంది. ఆయనకు సంబంధించిన ఓ వీడియోను ‘మైనంపల్లి రోహిత్ మెదక్ టీం’ ఇన్ స్టాలో పోస్ట్ చేస్తూ…. వాచ్ ధరను తెలిపింది.
‘రిచర్డ్ మిల్లె’ కంపెనీకి చెందిన వాచ్ ను రోహిత్ ధరించారని, దీని విలువ దాదాపు రూ. 3 కోట్లు అని చెప్పడంతో నెటిజన్లు ఆశ్చర్యపోతున్నారు. ఇది ఇలా ఉండగా, డాక్టర్ మైనంపల్లి రోహిత్ తొలిసారిగా ఎమ్మెల్యేగా గెలిచిన సంగతి తెలిసిందే. డాక్టర్ మైనంపల్లి రోహిత్ మెదక్ ఎమ్మెల్యేగా కాంగ్రెస్ పార్టీ తరఫున గెలిచారు.
