తెలంగాణ రాష్ట్రంలో విషాదం చోటు చేసుకుంది. డ్రైనేజీలో పడి మహిళా కానిస్టేబుల్ మృతి చెందింది. ఈ సంఘటన నిన్న రాత్రి చోటు చేసుకుంది. ఈ సంఘటన వివరాల్లోకి వెళితే.. కొత్తగూడెంలో హెడ్ కానిస్టేబుల్ గా పనిచేస్తున్న రూపన శ్రీదేవి(49) డ్రైనేజీలో జారిపడి మరణించారు. మంత్రి కేటీఆర్ పర్యటన నేపథ్యంలో నిన్న భద్రాచలం బందోబస్తుకు వెళ్లిన సమయంలో ఈ దుర్ఘటన జరిగింది.
మధ్యాహ్నం భారీ వర్షం కురవడంతో నీటి ప్రవాహం వల్ల డ్రైనేజీ పొంగి పొర్లింది. నడుచుకుంటూ వెళ్తుండగా ఆమె డ్రైన్ లో పడి చనిపోయారు. స్థానికులు కాపాడే ప్రయత్నం చేసిన ప్రయోజనం లేకపోయింది. అయితే.. ఈ సంఘటనపై కేసు నమోదు చేసుకున్న పోలీసులు.. దీనిపై దర్యాప్తు చేస్తున్నారు. ఈ విషాదం ఎలా చోటు చేసుకుంది.. దీనికి కారణాలు ఏంటని ఆరా తీసుకున్నారు. ఇక ఈ సంఘటన పై ఇంకా వివరాలు తెలియాల్సి ఉంది.
