KCR సినిమా కోసం రంగంలోకి ట్రబుల్‌ షూటర్‌ హరీష్‌ రావు దిగారు. కేశవ చంద్ర రమావత్ – కేసీఆర్ ప్రీ రిలీజ్ ఈవెంట్ కు మాజీ మంత్రి హరీష్‌ రావు వచ్చారు. ఈ సందర్భంగా హరీష్‌ రావు మాట్లాడుతూ… అన్ని రాష్ట్రాలకు సీఎం ఉంటే, తెలంగాణకు మాత్రం రాష్ట్రాన్ని తెచ్చిన సీఎం కేసీఆర్ గారు అని… అలాంటి గొప్ప వ్యక్తి పేరుతో, స్పూర్తితో వస్తున్న ఈ సినిమా సూపర్ హిట్ కావాలని కోరారు. ఎంతో కష్టపడి ఈ స్థాయికి వచ్చాడు రాకేష్. జబర్దస్త్ లో రాణించి, రాకింగ్ రాకేష్ గా ఎదిగారని కొనియాడారు. కేసీఆర్ గారి పేరుతో సినిమా తీయడం గొప్ప విషయం అన్నారు.
కేసీఆర్ అంటే ఒక చరిత్ర. తెలంగాణ రాష్ట్రం సాధించి, అద్భుతంగా అభివృద్ధి చేసిండు కేసీఆర్… పల్లెలనే కాదు, పట్టణాలను అభివృద్ధి చేశాడని కొనియాడారు. హైదరాబాద్ అభివృద్ధిని చూసి రజినీ కాంత్ న్యూయార్క్ లో ఉన్ననా, ఇండియాలో ఉన్ననా అన్నాడని గుర్తు చేశారు. భౌతికంగా మాత్రమే కాదు, రాష్ట్రాన్ని సామాజికంగా, సాంస్కృతికంగా అభివృద్ధి చేశాడని… తెలంగాణను దేశానికి దిక్సూచిగా చేశాడని చెప్పారు. అధికారంలో ఉన్నప్పుడు సినిమాలు తీస్తారు. అధికారంలో లేకున్నా కేసీఆర్ అని సినిమా తీసాడని రాకేష్ పై ప్రశంసలు కురిపంచారు. దీనికి ఎంతో ధైర్యం, దమ్ము కావాలి. నిజమైన అభిమానానికి ఇది నిదర్శనం అన్నారు. అందరూ కేసీఆర్ సినిమా చూసి, రాకేష్ ను అభినందించాలని ఆకాంక్షిస్తున్నాను… సినిమా సూపర్ హిట్ కావాలని కోరుకుంటున్నానన్నారు.
