ఏఐసీసీ అగ్రనేత రాహుల్ గాంధీతో తనకు ఎలాంటి గ్యాప్ లేదని తెలంగాణ సీఎం రేవంత్ రెడ్డి తెలిపారు. తాజాగా మీడియాతో చిట్ చాట్ లో సీఎం రేవంత్ రెడ్డి షాకింగ్ కామెంట్స్ చేశారు. తాను కమిట్‌మెంట్ ఇస్తే చేసి తీరుతానని వెల్లడించారు. అద్దంకి దయాకర్‌కు ఎమ్మెల్సీ ఇస్తానన్నాను.. ఇప్పించానని రేవంత్ రెడ్డి వ్యాఖ్యానించారు. తాము చేసిన పనులు చెప్పుకోవడంలో కొంత వెనుకపడ్డామన్నారు. ఈ ప్రపంచంలో ఇందిరా గాంధీకి మించిన యోధురాలు లేదన్నారు ముఖ్యమంత్రి రేవంత్ రెడ్డి. కేసీఆర్, మోడీ ఇద్దరూ వాళ్ల అవసరాలకు అనుగుణంగా మాట్లాడతారని వెల్లడించారు.
తనకు, రాహుల్ గాంధీకి మధ్య మంచి రిలేషన్ ఉందన్నారు ముఖ్యమంత్రి రేవంత్ రెడ్డి . దీనిపై ఎవరినీ నమ్మించాల్సిన అవసరం నాకు లేదని తేల్చి చెప్పారు.దేశానికి మరోసారి ఇందిరాగాంధీ లాంటి ప్రధాని కావాలని ఆయన ఆకాంక్షించారు. ఎమ్మెల్యేలు హైదరాబాద్ లో టైమ్ పాస్ చేయవద్దు అని.. పథకాలు ప్రజల్లోకి తీసుకెళ్లాలని.. ఓపికగా ఉంటేనే పదవులు దక్కుతాయి. ఇష్టం వచ్చినట్టు, మాట్లాడితే ఎమ్మెల్యేలు నష్టపోవాల్సి వస్తుందని ఆయన హెచ్చరించారు.
