పొన్నం ప్రభాకర్ బౌలింగ్.. బ్యాటింగ్ చేసిన హరీష్ రావు..సిక్సులే సిక్సులు !

తెలంగాణ మంత్రి పొన్నం ప్రభాకర్.. మాజీ మంత్రి హరీష్ రావు ఇద్దరూ క్రికెట్‌ ఆడారు. ఈ సంఘటన ఇప్పుడు వైరల్‌ గా మారింది. ఈ సందర్భంగా మంత్రి పొన్నం ప్రభాకర్ బౌలింగ్ లో బ్యాటింగ్ చేశారు మాజీ మంత్రి, ఎమ్మెల్యే హరీష్ రావు. దీంతో ప్రతి బాల్‌ సిక్సు కొట్టినట్టే కొట్టారు హరీష్‌ రావు. యూసఫ్ గూడా పోలీసు పరేడ్ గ్రౌండ్ లో నిర్వహించిన డిజిటల్ మీడియా ప్రీమియర్ లీగ్ జెర్సీ ఆవిష్కరణ కార్యక్రమంలో పొన్నం ప్రభాకర్.. మాజీ మంత్రి హరీష్ రావు ఇద్దరూ పాల్గొన్నారు.

ఈ సందర్భంగా మాజీ మంత్రి హరీష్ రావు మాట్లాడుతూ… డిజిటల్ యుగంలో ప్రతి రోజూ పోటీ ఉంటుంది. అందరూ కలిసి ఇక్కడ లీగ్ ప్రారంభించడం సంతోషంగా ఉందన్నారు. రాజకీయ నాయకులు లాగానే మీరు ఎంతో శ్రమిస్తారు. ఇలాంటి గేమ్స్ వల్ల మీకు ఒత్తిడి తగ్గుతుందని తెలిపారు. టెక్నాలజీ వల్ల పత్రికలు చదవటం, టివిలు చూడటడం కొంత తగ్గి ఆ స్పేస్ ని మొబైల్ ఫోన్లు వచ్చాయన్నారు. థంబ్ నెయిల్స్ ఒకటి, లోపల ఒకటి ఉంటుంది. నా రిక్వెస్ట్ ఏంటంటే వాస్తవానికి దగ్గరగా ఉండాలని, ఆ దిశగా ఆలోచించాలని కోరుతున్నానని విజ్ఙప్తి చేశారు. ప్రతిపక్షం ఎంత బాగా పని చేస్తే, ప్రభుత్వం అంత బాగా పని చేస్తుంది…బౌలింగ్, ఫీల్డింగ్ మేము చేసే అవకాశం ఇవ్వకుండా ప్రభుత్వం హిట్ వికెట్ కొట్టుకుంటున్నదన్నారు.