నిజామాబాద్ మేయర్ భర్తపై ఆటో డ్రైవర్ సుత్తితో దాడి చేసిన దృశ్యాలు ఇప్పుడు వైరల్ గా మారాయి. ఓ గుర్తు తెలియని వ్యక్తి ఈ సంఘటనకు సంబంధించిన వీడియోను తీసి.. సోషల్ మీడియాలో పోస్ట్‌ చేశాడు.
అయితే… నిజమాబాద్ మేయర్ భర్త శేఖర్ పై దాడి ఘటన లో దర్యాప్తు ముమ్మరం చేశారు. నిందితున్ని పట్టుకునేందుకు 4 బృందాలను ఏర్పాటు చేశారు పోలీసులు. దండు శేఖర్ తన భూమి కబ్జా చేసి బెదిరింపులకు పాల్పడుతున్నారని ఆరోపిస్తూ… సుత్తే తో దాడి చేశాడు ఆటో డ్రైవర్.
తీవ్ర గాయాలతో ప్రైవేట్ ఆసుపత్రిలో చికిత్స పొందుతున్నాడు శేఖర్. నాగారం 80 క్వార్టర్స్ లో ఈ ఘటన చోటు చేసుకుంది. దాడి చేసి సెల్ఫీ వీడియో పెట్టాడు నిందితుడు. అటు నిజమాబాద్ మేయర్ భర్త శేఖర్ పై దాడి ఘటన విజువల్స్ సోషల్ మీడియా లో వైరల్ గా మారాయి.
