తెలంగాణలో డబుల్ డిజిట్ స్థానాల్లో గెలుపే లక్ష్యంగా బీజేపీ ప్రచారాన్ని హోరెత్తిస్తోంది. ఇప్పటికే పలువురు కేంద్రమంత్రులు బీజేపీ పాలిత రాష్ట్రాల ముఖ్యమంత్రి అభ్యర్థులకు మద్దతుగా ప్రచారం చేయగా నేడు ప్రధాని నరేంద్ర మోదీ మరోసారి రాష్ట్రంలో ఎన్నికల ప్రచారంలో పాల్గొననున్నారు. వేములవాడ, వరంగల్‌లో జరిగే బహిరంగ సభలకు మోదీ హాజరై ప్రసంగిస్తారు.
లోక్ సభ ఎన్నికల ప్రచారం నిమిత్తం మంగళవారం రోజున హైదరాబాద్‌కు చేరుకున్నమోదీ రాత్రి రాజ్ భవన్‌లో బస చేశారు. ఇక ఇవాళ ఉదయం ఎనిమిదిన్నర సమయానికి బేగంపేట విమానాశ్రయానికి బయల్దేరి అక్కడి నుంచి హెలికాప్టర్‌లో రాజన్న సిరిసిల్ల జిల్లా వేములవాడకు చేరుకుంటారు. శ్రీ రాజ రాజేశ్వర స్వామి ఆలయంలో ప్రత్యేక పూజలు నిర్వహించనున్నారు. అనంతరం కరీంనగర్ లోక్‌సభ అభ్యర్థి బండి సంజయ్‌కు మద్దతుగా ప్రచార సభలో మోదీ పాల్గొంటారు. అనంతరం వరంగల్ పార్లమెంటు బీజేపీ అభ్యర్ధి అరూరి రమేష్ గెలుపు కోరుతూ….ప్రధాని మోదీ ఎన్నికల ప్రచార సభలో పాల్గొననున్నారు. మామునూర్ సమీపంలోని లక్ష్మీపురం వద్ద భారీ బహిరంగ సభకు ఏర్పాట్లు చేశారు.
