నేను వరంగల్ బయల్దేరుతున్నా : ప్రధాని మోడీ పోస్ట్

తెలంగాణకు ఇవాళ ప్రధాని మోడీ రానున్నారు. ఈ నేపథ్యంలోనే.. ప్రధానమంత్రి నరేంద్ర మోదీ పర్యటన షెడ్యూల్ విడుదల చేసింది పిఎంవో కార్యాలయం. వారణాసి నుంచి ప్రత్యేక విమానంలో హకీంపేటకు చేరుకుని వరంగల్ పర్యటన ముగించుకుని తిరిగి హకీంపేట నుంచి రాజస్థాన్ కు బయలుదేరే వరకు మొత్తం 3 గంటల 45నిమిషాలు తెలంగాణలో ఉండనున్నారు ప్రధాని మోడీ.

అయితే.. నేడు వరంగల్ పర్యటన నేపథ్యంలో ప్రధాని మోదీ ట్వీట్ చేశారు. రూ. 6,100 కోట్లతో పలు అభివృద్ధి పనులకు శంకుస్థాపన చేయనున్నట్లు పేర్కొన్నారు. రహదారుల నుంచి రైల్వే వరకు వివిధ రంగాల్లో పనులు చేపట్టనున్నట్లు తెలిపారు. దీనివల్ల తెలంగాణ ప్రజలకు లాభం జరుగుతుందని వివరించారు. వరంగల్ కు బయలుదేరుతున్నట్లు మోదీ పేర్కొన్నారు.