నెహ్రూ జూలాజికల్ పార్కులో స్మగ్లింగ్ కలకలం రేపుతోంది. కొందరు గుర్తు తెలియని స్మగ్లర్లు నెహ్రూ జూలాజికల్ పార్కులో స్మగ్లింగ్ చేశారట. ఈ సంఘటన వివరాల్లోకి వెళితే.. నెహ్రూ జూలాజికల్ పార్కులో వణ్య ప్రాణులతో పాటు ఖరీదైన గంధపు చెట్లు ఉన్నాయి. జూ పార్కులోకి చొరబడ్డ స్మగ్లర్లు 7గంధపు చెట్లను నరికివేశారు. ఆ చెట్లను దుంగలు..దుంగలుగా చేసి అక్కడక్కడ పడవేశారు. ఈ నెల 20వ తేదీన గ్రహించిన జూ అధికారులు 7గంధపు చెట్లను నరికినట్లు గుర్తించారు.
అందులో కొన్ని దుంగలను మాత్రమే జూ అధికారులు స్వాధీనం చేసుకున్నారు. అయితే ఈ విషయాన్ని జూ అధికారులు ఉన్నతాధికారులకు సమాచారాన్ని చేరవేశారు. జూ పార్కుకు రెండు వైపులా ఎంట్రన్స్ ఉండడం …. ఆ రెండు ఎంట్రన్స్లో ఏర్పాటు చేసిన సి.సి కెమెరాలను పరిశీలించినా ఆ గేట్ల గుండా గంధపు దుంగలను తీసుకెళ్లడం లాంటి దృశ్యాలు కనిపించకపోవడం జూ అధికారులను విస్మయానికి గురిచేసింది. అంతేగాకుండా నరికిన ఏడు గంధపు చెట్లనుంచి కొన్ని దుంగలు కనిపించకుండా పోయిన అవి ఎలా తస్కరించారన్నది మిలియన్ డాలర్ల ప్రశ్నగా మారింది. ఇక దీనిపై అటవీ అధికారులు దర్యాప్తు చేస్తున్నారు.
