తెలంగాణ కాంగ్రెస్ సీఎల్పీ సమావేశం ఈరోజు సాయంత్రం హైదరాబాద్ లో జరగనుంది. నగరంలోని ఓ ప్రైవేట్ హోటల్‌లో ఈ సమావేశం నిర్వహించనున్నారు. సాయంత్రం 7 గంటలకు ఈ భేటీ ప్రారంభం కానుంది. పీసీసీ అధ్యక్షుడు రేవంత్ రెడ్డి అధ్యక్షతన జరగనున్న ఈ సమావేశానికి ఎమ్మెల్యేలు, ఎమ్మెల్సీలు, ఎంపీలు హాజరు కానున్నారు.
కాంగ్రెస్ రాజ్యసభ అభ్యర్థి అభిషేక్ సింఘ్విని ముఖ్యమంత్రి రేవంత్ రెడ్డి.. సీఎల్పీ సమావేశంలో పాల్గొన్న ప్రజాప్రతినిధులకు ప‌రిచ‌యం చేయనున్నారు. మరోవైపు ప్ర‌భుత్వ నిర్ణ‌యాలు, భ‌విష్య‌త్తు కార్యాచ‌ర‌ణ‌పై ఈ భేటీలో చర్చించనున్నారు. ప్ర‌ధానంగా సింఘ్వి ఒక్క‌రే నామినేష‌న్ వేసిన‌ట్లయితే ఏక‌గ్రీవంగా ఎన్నికైన‌ట్లు ప్ర‌క‌టించనున్నారు.
కానీ కేశ‌వ రావు రాజీమానామాతో ఖాళీ అయిన స్థానం కావ‌డంతో బీఆర్ఎస్ నుంచి అభ్య‌ర్ధిని నిల‌బెట్టే అవకాశం ఉంది. ఈ నేపథ్యంలో అలా జరిగితే ఎలా ముందుకు వెళ్లాల‌న్న దానిపై నేటి సీఎల్పీ సమావేశంలో చ‌ర్చించే అవకాశం ఉన్నట్లు సమాచారం. కాంగ్రెస్ రాజ్యసభ అభ్యర్థి అభిషేక్ సింఘ్వి సోమవారం నామినేష‌న్ వేసే అవకాశం ఉంది.
