Woman kills daughter-in-law for refusing to serve tea: హైదరాబాద్‌ మహా నగరంలో అనేక దారుణాలు జరుగుతున్నాయి. చిన్న చిన్న కారణాల వల్ల కూడా ఒకరిని ఒకరు చంపుకుంటున్నారు. అయితే.. తాజాగా చాయ్ పెట్టలేదని కోడలిని చంపింది ఓ అత్త. ఈ సంఘటన హైదరాబాద్‌ లోనే జరిగింది ఈ సంఘటన వివరాలు ఇలా ఉన్నాయి.
చాయ్ పెట్టే విషయంలో గొడవ జరిగి కోడలిని అత్త హత్య చేసింది. అత్తాపూర్‌‌లోని హసన్‌నగర్‌లో అజ్మీరాబేగం, అబ్బాస్ దంపతులకు ఇద్దరు పిల్లలున్నారు. పెళ్లి అయినప్పటి నుంచి అజ్మీరాబేగం, అత్త ఫర్జానాబేగంల మధ్య గొడవలు జరుగుతున్నాయి. ఈ క్రమంలో నిన్న(గురువారం) చాయ్‌పెట్టాలని అత్త కోడలిని ఆదేశించింది. ఆమె పెట్టకపోవడంతో ఇద్దరికి గొడవ జరిగింది. దీంతో ఫర్జానాబేగం తన కోడలికి చున్నీ బిగించి హత్య చేసింది. ఇక ఈ సంఘటనపై కేసు నమోదు చేసుకుని దర్యాప్తు చేస్తున్నారు పోలీసులు.
