సీఎం రేవంత్ రెడ్డి మరో సంచలన నిర్ణయం తీసుకున్నట్లు సమాచారం. యాదగిరిగుట్ట మెడికల్ కాలేజ్ కొడంగల్‌కు తరలింపునకు చర్యలు తీసుకుంటున్నారట. గత సంవత్సరం కేసీఆర్ ప్రభుత్వం 5 జూలై 2023న రూ.183 కోట్లతో యాదగిరిగుట్టకు మెడికల్ కాలేజ్, 100 పడకల ఆసుపత్రి మంజూరు చేయగా అది సీఎం రేవంత్ రెడ్డి సొంత నియోజకవర్గం కొడంగల్‌కు తరలించే ప్రయత్నాలు మొదలయ్యాయి.
కాగా, ఈరోజు అసెంబ్లీలో ప్రభుత్వం 2024-25 బడ్జెట్ అంచనా రూ. 2.95 లక్షల కోట్ల నుంచి రూ. 3 లక్షల కోట్లు ఉండే అవకాశాలు ఉన్నట్లు తెలుస్తోంది. గత ప్రభుత్వం ప్రకటించిన చివరి బడ్జెట్ రూ. 2.90 లక్షల కోట్లు. ఈసారి మరో రూ. 10వేల కోట్లు పెరిగి రూ. 3 లక్షల కోట్లను తాకే ఛాన్స్ ఉంది. ఇందులో సంక్షేమ రంగానికి రూ. 40 వేల కోట్లు, వ్యవసాయానికి రూ. 30 వేల కోట్లతో ప్రాధాన్యత ఇవ్వనున్నట్లు తెలుస్తోంది.
