నేడు దీక్షా దివస్-కరీంనగర్, తెలంగాణ భవన్ వేడుకల్లో పాల్గొననున్నారు గులాబీ పార్టీ వర్కింగ్ ప్రెసిడెంట్ కేటీఆర్. ఇందులో భాగంగా ఉదయం 8 గంటలకు హైదరాబాద్ నుంచి కరీంనగర్ బయలుదేరుతారు. ఉదయం 10:30 గంటలకు మానకొండూర్ నియోజకవర్గం, తిమ్మాపూర్ LMD ఇరిగేషన్ ఆఫీసు వద్ద అమరవీరుల స్థూపానికి నివాళులు అర్పిస్తారు. అనంతరం బైక్ ర్యాలీతో అలుగునూరు చౌరస్తా చేరుకుంటారు.
ఉదయం 11 గంటలకు అలుగునూరు చౌరస్తాలో కేసీఆర్ గారి చిత్ర పటానికి పాలాభిషేకం చేస్తారు. ఉదయం 11:30 గంటలకు దీక్షదివాస్ 2009 నవంబర్ 29న కేసీఆర్ గారు ఆమరణ నిరాహార దీక్ష ప్రారంభించిన రోజు కార్యక్రమంలో భాగంగా కరీంనగర్ లోని అలుగునూర్ లో ఏర్పాటు చేసిన బహిరంగ సభలో పాల్గొంటారు. మధ్యాహ్నం 1 గంటలకు హైదరాబాద్ తిరుగు ప్రయాణం అవుతారు. ఇవాళ సాయంత్రం 4 గంటలకు హైదరాబాద్ లోని తెలంగాణ భవన్ లో ఏర్పాటు చేసిన దీక్షదివాస్ కార్యక్రమంలో పాల్గొంటారు.
