కర్ణాటకలో తీవ్ర విషాదం.. స్విమ్మింగ్ పూల్లో దిగి ముగ్గురు యువతులు దుర్మరణం

కర్ణాటక రాష్ట్రంలో తీవ్ర విషాదం నెలకొంది. సరదగా గడుపుదామని రిసార్టుకు వెళ్లిన ముగ్గురు యువతులు ప్రమాదవశాత్తు మృత్యువాత పడ్డారు. ఈ ఘటన రాష్ట్రంలోని ఉల్లాల్లో సోమవారం ఆలస్యంగా వెలుగుచూసింది. పూర్తివివరాల్లోకివెళితే.. ఉల్లాల్లోని వాజ్కో రిసార్టుకు (Vazco Resort)కు వెళ్లిన యువతులు ముగ్గురు కీర్తన(21), నిశిత(21), పార్వతీ(20) ఉదయం స్విమ్మింగ్ పూల్లో ఆడుకుందామని అందులోకి దిగారు.

వారికి ఈత రాకపోవడంతో స్విమ్మింగ్ పూల్లో మునిగిపోయారు. లోతు ఎక్కువగా ఉండటంతో బయటకు వచ్చేందుకు తీవ్రంగా శ్రమించారు. అయినప్పటికీ ఫలితం లేకుండాపోయింది. దీంతో ముగ్గురు యువతులు ప్రాణాలు కోల్పోయారు. మృతులు మైసూరుకు చెందిన వారిగా గుర్తించారు.అయితే, యువతులు స్విమ్మింగ్ పూల్ లో దిగి విలవిల కొట్టుకుంటున్న దృశ్యాలు రిసార్టులో గల సీసీటీవీ ఫుటేజీలో రికార్డు అయ్యాయి.