నవంబర్ 3 యుఎస్ అధ్యక్ష ఎన్నికల్లో డెమొక్రటిక్ అభ్యర్థి జో బిడెన్ గెలిచారని అధ్యక్షుడు డొనాల్డ్ ట్రంప్ ఎట్టకేలకు ఈరోజు బహిరంగంగా అంగీకరించినట్లు కనిపించారు. అయినా ఇది “రిగ్గింగ్” అని ఆయన మళ్ళీ నొక్కి చెప్పారు. మొదటి నుంచి ఆయన చేస్తున్న ఈ తప్పుడు ఓటింగ్ ఆరోపణలను పునరుద్ఘాటించారు. 2016లో రిపబ్లికన్ అభ్యర్థిగా ట్రంప్ గెలిచిన రాష్ట్రాలు గెలుచుకోవడం ద్వారా బిడెన్ ఈసారి ట్రంప్ ను ఓడించాడు.
ఇక ట్రంప్ ట్విట్టర్ లో చేసిన పోస్ట్‌ లో బిడెన్ విజయాన్ని అంగీకరించినట్లు అనిపించింది. “ఎన్నికల్లో మోసాలు జరిగాయి కాబట్టి అతను(బైడెన్) గెలిచాడు” అని ట్రంప్ ఈ ఉదయం ట్విట్టర్ లో పేర్కొన్నారు. అయితే బైడెన్ పేరు మాత్రం ఆయన ప్రస్తావించలేదు. ట్రంప్ యొక్క ప్రచారం విజయవంతం కాకపోయినా, అనేక రాష్ట్రాల్లో ఫలితాలను తారుమారు చేయాలని కోరుతూ వ్యాజ్యాల దాఖలు చేసింది రిపబ్లిక్ పార్టీ. న్యాయ నిపుణులు ఈ వ్యాజ్యం ఎన్నికల ఫలితాలను మార్చడానికి తక్కువ అవకాశం ఉందని చెప్పడంతో మళ్ళీ వెనక్కు తగ్గారు.
