వచ్చే పార్లమెంట్ ఎన్నికల్లో జరగనున్న నేపథ్యంలో ప్రధాని నరేంద్ర మోడీ పలు కీలక వ్యాఖ్యలు చేశారు. బిజెపి పార్టీ వంద రోజుల్లో మళ్లీ ప్రభుత్వాన్ని ఏర్పాటు చేస్తుందని ధీమా వ్యక్తం చేశారు.రాష్ట్రపతి ప్రసంగానికి ధన్యవాదాలు తెలిపే తీర్మానంపై లోక్సభలో చర్చ జరిగింది.లోక్సభలో ప్రసంగం సందర్భంగా ప్రధాని మోడీ ప్రతిపక్షాలపై తీవ్ర విమర్శలు చేశారు .ఈ నేపథ్యంలో ప్రధాని మోదీ మాట్లాడుతూ.. రాబోయే సార్వత్రిక ఎన్నికల్లో బీజేపీకి 370కి పైగా స్ధానాలు దక్కించుకుంటుందని, ఎన్డీయే 400 సీట్లకు పైగా గెలుచుకుంటుందని ప్రధాని నరేంద్ర మోడీ ధీమా వ్యక్తం చేశారు. అధికారంలోకి వచ్చిన తర్వాత మరిన్ని సంచల నిర్ణయాలు తీసుకుంటామని ఈ సందర్భంగా ఆయన పేర్కొన్నారు.
ఇక తమ హయాంలో 80 కోట్ల మందికి ఉచితంగా రేషన్ అందించామని తెలిపారు. అంతేకాకుండా చంద్రయాన్ 3 విజయవంతమైందని గుర్తు చేశారు. కిసాన్ సమ్మాన్ నిధి కింద రైతులకు ఆర్థిక సాయం అందిస్తున్నామని అన్నారు. రైతులపై కాంగ్రెస్ మొసలి కన్నీరు కారుస్తోందని మండిపడ్డారు.
