విజయవాడలో వైఎస్సార్‌సీపీ మాల మహానాడు అధ్యక్షురాలు జోని కుమారి ఆత్మహత్యాయత్నం కలకలం రేపింది. తన సమస్యలు పరిష్కరించాలని ఇవాళ మీడియా సమావేశం ఏర్పాటు చేశారు. ప్రెస్ మీట్‌ మధ్యలోనే ఆమె విషం తాగేశారు. వెంటనే రంగంలోకి దిగిన పోలీసులు నగరంలోని ఓ ప్రైవేట్ ఆస్పత్రికి తరలించారు. ప్రభుత్వ పెద్దలు తనని మోసం చేసారని, తనకు జరిగిన అన్యాయాన్ని విజయసాయిరెడ్డికి చెప్పుకున్నా న్యాయం జరగలేదని ఆమె ఆవేదన వ్యక్తం చేశారు.
తనకు జరిగిన అన్యాయాన్ని ఈ కరోనా వల్ల ముఖ్యమంత్రి జగన్ మోహన్ రెడ్డిని కలిసి చెప్పుకునే అవకాశం లేదని.. ఈ విషయంపై పార్టీ అధినాయకులను కలిసినా ఇప్పటి వరకు అసలు స్పందించలేదన్నారు. వైస్సార్సీపీ పార్టీని సొంత కుటుంబంలా భావిస్తే పార్టీలో ఉన్నత స్థాయిలో ఉన్న పెద్దలు తనని మోసం చేసారని ఆవేదన వ్యక్తంచేశారు.
