జీ తెలుగు 20 సంవత్సరాల మైలురాయిని చేరుకున్న నేపథ్యంలో… అదిరిపోయే ఈవెంట్ నిర్వహించింది. 20 సంవత్సరాలు పూర్తయిన నేపథ్యంలో అప్సర అవార్డ్స్… పేరుతో కొత్త కార్యక్రమాన్ని నిర్వహించింది. ఈ ఈవెంట్ కోసం బుల్లితెర తారలు, హీరోయిన్లు వచ్చి సందడి చేశారు. ఇక ఈ ఈవెంట్లో అన్ని రంగాల్లో రాణిస్తున్న మహిళలకు ప్రత్యేకంగా అవార్డులు కూడా ప్రధానం చేయడం జరిగింది. ఈ ఈవెంట్ లో అక్కినేని అమల… సమక్షంలో సమంత 15 ఏళ్ల సినీ ప్రయాణాన్ని కూడా చూపించారు. ఈ 15 సంవత్సరాల సినీ ప్రయాణాన్ని అక్కినేని అమల చూసి కన్నీళ్లు పెట్టుకున్నారు. ప్రస్తుతం ఈ సంఘటన సోషల్ మీడియాలో వైరల్ గా మారింది.
అంగరంగ వైభవంగా జరిగిన ఈ కార్యక్రమానికి ఎనర్జిటిక్ యాంకర్స్ సుధీర్, రవి వ్యాఖ్యాతలుగా వ్యవహరించారు. ఆద్యంతం ఆసక్తికరంగా సాగిన ఈ కార్యక్రమంలో డ్రామా జూనియర్స్ పిల్లలు చిరంజీవి, బాలకృష్ణ గెటప్‌లో వేదికపైకి వచ్చి ప్రముఖ నటి రోజాకు అవార్డు అందించారు. జయప్రద, ఐశ్వర్య రాజేష్, అనిల్ రావిపూడితో కలిసి సంక్రాంతికి వస్తున్నాం సినిమాలోని సీన్స్ని రీక్రియేట్ చేశారు. అమల అక్కినేని రవి, రోజాతో కలిసి డాన్స్ చేయడమే కాకుండా, జంతు సంరక్షణ, నాగార్జున, నాగచైతన్య, అఖిల్ గురించి పలు విషయాలు పంచుకున్నారు. జయసుధకు అభిమానులు ఆటోగ్రాఫ్‌లతో అలంకరించిన చీరను బహుమతిగా ఇచ్చారు. రమ్యకృష్ణ నటించిన ప్రముఖ పాత్రలతో ఓ చక్కని ప్రదర్శన ఇచ్చారు. మంచు లక్ష్మీ తన డాన్స్తో అలరించగా, కోర్ట్ సినిమా ఫేమ్ శ్రీదేవి తన తల్లి గురించి పంచుకున్న విషయాలు అందరినీ కంటతడి పెట్టించాయి. రవి, సుధీర్ కలిసి డైరెక్టర్ సుకుమార్‌ను పలు సరదా ప్రశ్నలతో ఆటపట్టించారు.
- వెండితెర, బుల్లితెర తారల సందడితో వైభవంగా జరిగిన జీ తెలుగు అప్సర అవార్డ్స్ ఈ శనివారం, మే 24, 2025 సాయంత్రం 5:30 గంటలకు మీ జీ తెలుగులో ప్రసారం కానుంది.
