శాంసంగ్ కంపెనీ.. గెలాక్సీ ఎ21ఎస్ పేరిట భార‌త్‌లో ఓ నూత‌న స్మార్ట్‌ఫోన్‌ను బుధ‌వారం విడుద‌ల చేసింది. ఎ సిరీస్‌లో వ‌చ్చిన శాంసంగ్ లేటెస్ట్ స్మార్ట్‌ఫోన్ ఇదే కావ‌డం విశేషం. ఇందులో 6.5 ఇంచుల హెచ్‌డీ ప్ల‌స్ ఇన్ఫినిటీ-ఓ-డిస్‌ప్లేను ఏర్పాటు చేశారు. 2 గిగాహెడ్జ్ ఆక్టాకోర్ ఎగ్జినోస్ 850 ప్రాసెస‌ర్‌, 6జీబీ ప‌వ‌ర్‌ఫుల్ ర్యామ్‌ను అందిస్తున్నారు. ఆండ్రాయిడ్ 10 ఓఎస్ ఆధారంగా ఈ ఫోన్ ప‌నిచేస్తుంది. ఇందులో వెనుక భాగంలో 48 మెగాపిక్సల్ భారీ కెపాసిటీ ఉన్న మెయిన్ కెమెరాతోపాటు 8 మెగాపిక్సల్ అల్ట్రావైడ్ సెన్సార్‌, 2 మెగాపిక్సల్ డెప్త్ సెన్సార్‌, 2 మెగాపిక్సల్ మాక్రో సెన్సార్‌ల‌ను ఏర్పాటు చేశారు. ముందు భాగంలో 13 మెగాపిక్సల్ కెమెరా ఉంది. వెనుక భాగంలో ఫింగ‌ర్ ప్రింట్ సెన్సార్‌ను ఏర్పాటు చేశారు. ఇందులో 5000 ఎంఏహెచ్ భారీ కెపాసిటీ ఉన్న బ్యాట‌రీని అమ‌ర్చారు.
శాంసంగ్ గెలాక్సీ ఎ21ఎస్ స్పెసిఫికేష‌న్లు…
* 6.5 ఇంచుల హెచ్‌డీ ప్ల‌స్ డిస్‌ప్లే, 720×1600 పిక్స‌ల్స్ స్క్రీన్ రిజ‌ల్యూష‌న్
* ఆక్టాకోర్ ఎగ్జినోస్ 850 ప్రాసెస‌ర్‌, 4/6 జీబీ ర్యామ్‌, 64/128 జీబీ స్టోరేజ్
* 512 జీబీ ఎక్స్‌పాండ‌బుల్ స్టోరేజ్, ఆండ్రాయిడ్ 10
* 48, 8, 2, 2 మెగాపిక్సల్ బ్యాక్ కెమెరాలు
* 13 మెగాపిక్సల్ ఫ్రంట్ కెమెరా
* ఫింగ‌ర్ ప్రింట్ సెన్సార్‌, ఫేస్ రిక‌గ్నిష‌న్
* 4జీ వీవోఎల్‌టీఈ, బ్లూటూత్ 5.0, యూఎస్‌బీ టైప్ సి
* 5000 ఎంఏహెచ్ బ్యాట‌రీ, 15 వాట్ల ఫాస్ట్ చార్జింగ్
శాంసంగ్ గెలాక్సీ ఎ21ఎస్ స్మార్ట్‌ఫోన్ బ్లాక్‌, వైట్‌, బ్లూ క‌ల‌ర్ ఆప్ష‌న్ల‌లో విడుద‌లైంది. ఈ ఫోన్‌కు చెందిన 4జీబీ ర్యామ్‌, 64జీబీ స్టోరేజ్ వేరియెంట్ ధ‌ర రూ.16,499 ఉండ‌గా, 6జీబీ ర్యామ్‌, 128 జీబీ స్టోరేజ్ వేరియెంట్ ధ‌ర రూ.18,499గా ఉంది.
