ఢిల్లీలో ఒక టీఆర్ఎస్ ఎంపీ ఇంట్లో సీబీఐ ట్రాప్ విధించడం ఆసక్తికరంగా మారింది. ఆ ఇంట్లో లంచం తీసుకుంటుండగా ముగ్గురిని సీబీఐ అరెస్ట్ చేసింది. టీఆర్ఎస్ ఎంపీకి సహాయకులం అంటూ వాళ్ళు ముగ్గురూ డబ్బు వసూలు చేస్తున్నట్టు గుర్తించారు. రాజీవ్ భట్టాచార్య, శుభాంగి గుప్తా, దుర్గేష్ కుమార్ లు అని గుర్తించారు. అయితే సీబీఐ ఈ ట్రాప్ వేసిన సమయంలో ఎంపీ ఇంట్లో లేరని అంటున్నారు. ఆ టీఆర్ఎస్ ఎంపీ మరెవరో కాదు మాలోత్ కవితా. ఎంపీ కవిత యొక్క అధికారిక నివాసంలో లంచం తీసుకుంటుండగా ఈ ముగ్గురు వ్యక్తులను పట్టుకుంది.
అరెస్టయిన ముగ్గురిలో ఒకరు కవిత డ్రైవర్ అని తెలుస్తోంది. దుర్గేష్ కుమార్ తన డ్రైవర్ అని ఎంఎస్ మాలోత్ కవిత మీడియాకు ధృవీకరించగా, మిగతా ఇద్దరు తనకు తెలియదని ఆమె అన్నారు. ఈ విషయం పై ఇంకా మాట్లాడడానికి ఆమె నిరాకరించింది. ఢిల్లీలోని న్యూ గుప్తా కాలనీలో నివసిస్తున్న మిస్టర్ లాంబా నుంచి ఫిర్యాదు అందుకున్న తరువాత ఈ ఇంటి మీద సీబీఐ ట్రాప్ వేసింది. తనను తాను మాలోత్ కవుత్గా పిఎగా పరిచయం చేసుకుంటున్న భట్టాచార్య తన ఇంటిని మున్సిపల్ కార్పొరేషన్ ఆఫ్ ఢిల్లీ కూల్చివేయకుండా కాపాడటానికి డబ్బు కోరినట్లు ఆయన ఫిర్యాదు చేశారు.
