టాలీవుడ్‌ హీరో అఖిల్ న‌టించిన “మోస్ట్ ఎలిజిబుల్ బ్యాచిలర్” సినిమా రిలీజ్ డేట్ ఫిక్స్ అయ్యింది. ఈ సినిమాను అక్టోబర్ 15 న అంటే దసరా కానుకగా… థియేట‌ర్లలో విడుదల చేస్తున్నట్టు చిత్ర యూనిట్ ప్రక‌టించింది. మొదట అక్టోబర్ 8 న అనుకున్న చిత్ర బృందం… ఆ తర్వాత… మనసు మార్చుకుంది. ఇక తాజాగా అక్టోబర్ 15 ను ఫిక్స్ చేసేసింది చిత్ర బృందం.
ఇక ఈ సినిమాకు బొమ్మరిల్లు భాస్కర్ ద‌ర్శక‌త్వం వ‌హించారు. సినిమాను బ‌న్నీ వాసు, అల్లు అర‌వింద్ సంయుక్తంగా నిర్మించారు. బుట్టబొమ్మ పూజా హెగ్డే ఈ సినిమాలో హీరోయిన్ గా న‌టించింది. ఈ చిత్రానికి గోపీసుంద‌ర్ స్వరాలు స‌మ‌కూరుస్తున్నారు. జీఏ-2 పిక్చర్స్ బ్యాన‌ర్ పై ఈ సినిమాను నిర్మిస్తున్నారు. ఈ సినిమా షూటింగ్ పూర్తి చేసుకుని చాలా కాలం గ‌డుస్తున్నా క‌రోనా నేప‌థ్యంలో సినిమా విడుద‌లను చిత్ర యూనిట్ వాయిదా వేసింది. ఇక తాజాగా అక్టోబర్ లో బ‌రిలోకి దిగుతున్నట్టు చిత్ర యూనిట్ ప్రక‌టించడంతో అక్కినేని అభిమానులు కుషీ అవుతున్నారు.
