మావోయిస్టు ప్రభావిత రాష్ట్రాల ముఖ్య మంత్రు లతో కేంద్ర హోం శాఖ మంత్రి భేటీ అయ్యారు. కాసేపటి క్రితమే ఈ సమావేశం ప్రారంభం అయింది. మావోయిస్టు ప్రభావిత ప్రాంతాల్లో చేపట్టిన అభివృద్ధి మరియు ఇతర సమస్య లపై చర్చ జరుగనుంది. ఇక ఈ సమావేశానికి తెలంగాణ ముఖ్య మంత్రి కల్వకుంట్ల చంద్ర శేఖర్‌ రావు మరియు ఆంధ్ర ప్రదేశ్ రాష్ట్రం తరఫున ఆ రాష్ట్ర హోం శాఖ మంత్రి వర్యులు సుచరిత పాల్గొన్నారు.
మొన్న ఏపీ సీఎం జగన్‌ మోహన్‌ రెడ్డి కాలు బెనికిన సంగతి తెలిసిందే. ఈ నేపథ్యం లోనే ఢిల్లీ టూర్‌ రద్దు చేసుకున్నారు ఏపీ సీఎం జగన్‌ మోహన్‌ రెడ్డి. దీంతో సీఎం జగన్‌ స్థానం లో హోం మంత్రి సుచరిత ఈ సమావేశానికి హాజరయ్యారు. ఈ సమావేశంలో ఒడిస్సా, చత్తీస్ ఘడ్, జార్ఖండ్, మధ్య ప్రదేశ్, మహారాష్ట్ర, బీహార్ మరియు ఉత్తర ప్రదేశ్ రాష్ట్రాల ముఖ్యమంత్రులు పాల్గొన్నారు. కాగా.. నిన్న తెలంగాణ సీఎం కేసీఆర్.. కేంద్ర జల్‌ శక్తి మంత్రిని కలిసిన సంగతి తెలిసిందే.
