ఎస్ ఎస్ రాజ‌మౌళి ద‌ర్శ‌క‌త్వం వ‌హించిన ఆర్ ఆర్ ఆర్ సినిమా ట్రైలర్ ఇవాళ ఉద‌యం 11 గంట‌ల‌కు విడుద‌లైంది. దీంతో అటు మెగా ఫ్యాన్స్‌, ఇటు నంద‌మూరి ప్యాన్స్ ఫుల్ జోష్ ఉన్నారు. అయితే… RRR ట్రైలర్ ప్రివ్యూ లతో విజయవాడలో జూనియర్ ఎన్టీఆర్ ఫాన్స్ హంగామా చేశారు. జై ఎన్టీఆర్…కాబోయే సి.ఎం ఎన్టీఆర్ అంటూ పెద్ద ఎత్తున నినాదాలు చేశారు ఫ్యాన్స్‌.
విజ‌య‌వాడ‌లోని అన్నపూర్ణ థియేటర్ వద్ద జూనియర్ NTR కట్ ఔట్ కి కొబ్బరి కాయలు కోటి , పాలాభిషేకం చేశారు అభిమానులు. కేక్ కట్ చేసి సంబరాలు జరుపుకున్న అభిమానులు… థియేటర్ వద్ద హాల్ చల్ చేశారు. ఎన్టీఆర్ అభిమానులు తాకిడి తట్టుకోలేక గేట్లు వేసింది థియేటర్ సిబ్బంది. అయిన‌ప్ప‌టికీ… గేట్లు దూకి లోపలకు వెళ్లారు అభిమానులు. జూనియర్ ఎన్టీఆర్ పై కొంత మంది రాజకీయ నాయకులు చేసిన వ్యాఖ్యల పై ఎన్టీఆర్ అవసరం మైనప్పుడు స్పందిస్తార‌ని అభిమానులు ఈ సంద‌ర్భంగా పేర్కొన్నారు.
