కేంద్రం ఎన్నో రకాల స్కీమ్స్ ని తీసుకు వచ్చింది. అయితే ఈ స్కీమ్స్ వలన ఆర్ధికంగా సహాయం అందుతుంది. అయితే అసంఘటిత రంగంలో పనిచేసే కార్మికులకు కూడా ఓ అద్భుతమైన అవకాశం ఇచ్చింది. ఈ-శ్రమ్ పోర్టల్‌లో పేర్లను నమోదు చేసుకున్న వారికి పీఎం సురక్ష బీమా యోజన కింద రూ.2 లక్షల వరకు బీమా కవరేజ్ లభిస్తుంది. ఇక దీని కోసం పూర్తి వివరాలలోకి వెళితే.. ఈ రంగంలో కార్మికులకు ఎలాంటి ప్రీమియం చెల్లించక్కర్లేదు.
ఏదైనా ప్రమాదంలో మరణిస్తే లేదా శాశ్వత వికలాంగులైతే రూ.2 లక్షల బీమా, పాక్షికంగా వికలాంగులైతే రూ.లక్షను ప్రభుత్వం ఇస్తోంది. ఈ పోర్టల్ లో రిజిస్టర్ అయితే మంచిగా లాభాలని పొందొచ్చు. ఉత్తర ప్రదేశ్ రాష్ట్రానికి చెందిన ప్రజలకు ఈ పోర్టల్‌లో తమ పేర్లను నమోదు చేసుకుంటే యోగి ప్రభుత్వం నెలకు రూ.500 ను ఇస్తోంది. మార్చి 2022 వరకు ప్రజల అకౌంట్లోకి వీటిని ఇస్తామని అన్నారు.
3 కోట్లకు పైగా అసంఘటిత వర్కర్లు రాష్ట్రంలో ఉన్నారని యోగి ప్రభుత్వం పేర్కొంది. దేశవ్యాప్తంగా 14 కోట్ల మంది శ్రామికులు ఇప్పటి వరకు ఈ పోర్టల్‌లో తమ పేర్లను నమోదు చేసుకున్నారు. దేశవ్యాప్తంగా 38 కోట్ల మంది వరకు కార్మికులున్నారు. పేర్లని నమోదు చేసుకోవాలంటే కామన్ సర్వీసు సెంటర్‌కు వెళ్లి ఎప్పుడైనా కార్మికులు ఈ పోర్టల్‌లో నమోదు చేసుకోచ్చు.
రిజిస్ట్రేషన్ సమయంలో ఎలాంటి డబ్బులు చెల్లించకర్లేదు. అలానే పిల్లల చదువుకు కూడా ఈ-శ్రమ్ పోర్టల్ ద్వారా ఆర్థిక సాయం పొందవచ్చు. యాప్ లేదా వెబ్‌సైట్‌కి వెళ్లి దీనిలో రిజిస్టర్ చేసుకోచ్చు. ఆధార్ కార్డు, ఆధార్ తో లింకైన మొబైల్ నెంబర్ ఉంటే సరిపోతుంది.
యూఏఎన్ నెంబర్‌తో ఈ-శ్రమ్ కార్డును జారీ చేస్తారు. రిజిస్టర్ అవ్వడానికి కామన్ సర్వీసు సెంటర్లు, స్టేట్ సేవా కేంద్రాలు, లేబర్ ఫెసిలిటేషన్ సెంటర్ల వద్దకి వెళ్ళచ్చు. 14434 టోల్ ఫ్రీ నెంబర్ తో డీటెయిల్స్ ని తెలుసుకోవచ్చు.
