పుష్ప- ది రైజ్ సినిమా 2021లో విడుదలై బ్లాక్బస్టర్ హిట్ అయిన విషయం తెలిసిందే. పాన్ ఇండియా రేంజ్లో ఈ మూవీకి వచ్చిన క్రేజ్ చూసి ఈ టీమ్.. సీక్వెల్ను ప్లాన్ చేసింది. పుష్ప- ది రూల్ పేరుతో పార్ట్-2 వస్తోంది. ఇప్పటికే ఈ సినిమా షూటింగ్ జరుగుతోంది. తాజాగా ఈ చిత్రానికి సంబంధించి సోషల్ మీడియాలో ఓ న్యూస్ వైరల్ అవుతోంది.
ఈ సినిమాకు సంబంధించి అల్లు అర్జున్.. బర్త్ డే(ఏప్రిల్ 8) నాడు ఫ్యాన్స్కు అదిరిపోయే సర్ప్రైజ్ ఇవ్వనున్నారట మేకర్స్. మూడు నిమిషాల పాటు సాగే టీజర్ను రిలీజ్ చేయబోతున్నారట. ఇందులో ఎలాంటి మాటలు ఉండవట. కేవలం యాక్షన్ సీక్వెన్స్, ఎలివేషన్ షాట్స్ మాత్రమే ఉంటాయట. అన్ని భాషలకు రీచ్ అవ్వాలని ఇలా ప్లాన్ చేశారట.
మరోవైపు, ఈ సినిమాకు సంబంధించి ఓ వార్త నెట్టింట హల్చల్ చేస్తోంది. ఈ సినిమా విడుదలకు ముందే నిర్మాతలకు కోట్లు కురిపిస్తోందట! థియేట్రికల్ రైట్స్ ద్వారా ఇప్పటికే వెయ్యి కోట్ల రూపాయలను వసూలు చేసిందట. అయితే ఈ విషయంపై ఎక్కడా కూడా అధికారికంగా ఎటువంటి సమాచారం వెలువడలేదు.
