మల్లు బ్యూటీ సంయుక్త మీనన్ హవా టాలీవుడ్లో రోజురోజుకు పెరిగిపోతోంది. ఈ భామ తన అందం, అభినయంతో పాటు తన మనసుతో తెలుగు ప్రేక్షకుల మదిని దోచేస్తోంది. ఇక సోషల్ మీడియాలోనూ తన సత్తా చాటుతోంది. తాజాగా విరూపాక్ష సినిమా ప్రమోషన్స్లో ఈ భామ బిజీగా ఉంది. ఇటీవలే విడుదలైన ఈ చిత్రం బ్లాక్ బస్టర్ టాక్ తెచ్చుకుంది.
విజయోత్సాహంలో ఉన్న విరూపాక్ష టీమ్ పాన్ ఇండియా లెవెల్లో ఈ చిత్రాన్ని రిలీజ్ చేసేందుకు సన్నాహాలు చేస్తోంది. ఇందులో భాగంగానే ప్రమోషన్స్ నిర్వహిస్తోంది. ఈ ప్రమోషన్స్లో సంయుక్త చీరకట్టులో సందడి చేస్తోంది. తాజాగా ఈ బ్యూటీ బ్లూ కలర్ శారీలో కనువిందు చేసింది. ట్రెడిషనల్ లుక్లో సంయుక్త చాలా అందంగా కనిపిస్తోంది.
సంయుక్త బ్యూటీని చూసి కుర్రాళ్లు మెస్మరైజ్ అవుతున్నారు. ఇన్ అండ్ ఔట్ బ్యూటీ అంటే ఈ బ్యూటీదేనని పొగడ్తులు కురిపిస్తున్నారు. ఎంత మంచి మనసో ఈ భామది అంటూ కామెంట్లు పెడుతున్నారు. ఇక ఈ బ్యూటీ మహేశ్ బాబు, అల్లు అర్జున్ సరసన నటించే ఛాన్స్ కూడా కొట్టేసినట్లు సమాచారం.
