మెగ‌స్టార్ చిరంజీవి 151వ చిత్రంగా విడుదలైన `సైరా` స‌క్సెస్ అందుకుంది. భారీ బడ్జెట్ భారీ అంచనాల మధ్య విడుదలైన ఈ సినిమా మంచి టాక్ ను సొంతం చేసుకొని కలెక్షన్ల పరంగా దూసుకుపోతుంది. ఇదే ఉపులో చిరంజీవి తన తర్వాత చిత్రానికి కొబ్బరికాయ కూడా కొట్టేశారు. కొరటాల శివ దర్శకత్వంలో తెరకెక్కనున్న చిరంజీవి 152 వ సినిమా పూజా కార్యక్రమాలు దసరా రోజు నిర్వహించారు. కొణిదెల ప్రొడక్షన్స్ బ్యానర్ పై మ్యాట్నీ ఎంటర్ టైన్మెంట్స్ తో కలిసి మెగా పవర్ స్టార్ రామ్ చరణ్ ఈ సినిమా నిర్మిస్తున్నారు. అయితే ఈ సినిమాకి సంబంధించిన కథ ఇదేనంటూ సోషల్ మీడియాలో ఓ వార్త హాల్ చల్ చేస్తుంది.
సోషల్ మీడియాలో వస్తున్న కథ ప్రకారం ఇందులో చిరంజీవి దేవాదయ ధర్మాదయ శాఖలో పనిచేసే ఉద్యోగిగా కనిపించనున్నారట… దేవాలయాల నిర్లక్ష్యం సమాజంపై ఎంత చెడు ప్రభావం చూపుతాయో ఈ సినిమా ద్వారా చూపించ‌నున్నార‌ని, అంతేకాకుండా ఆలయ భూములను ఆక్రమించటానికి ప్రయత్నించే వారిపై అతను ఎలా చర్యలు తీసుకున్నాడు అన్నది మెయిన్ కథగా సాగనుందట. మరి ఇది ఎంత వ‌ర‌కు నిజ‌మో తెలియాలంటే సినిమా విడుద‌ల వ‌ర‌కు వెయిట్ చేయాల్సిందే.
