తమిళ భామ మేఘా ఆకాష్ గురించి తెలియని వారుండరు. తమిళ భామ మేఘా ఆకాష్ తన క్యూట్ లుక్స్ తో అందరిని ఆకట్టుకుంటున్నా ఆమెకు తెలుగులో మాత్రం లక్ కలిసి రాలేదు. ధనుష్ సినిమాతో తమిళంలో హీరోయిన్ గా పరిచయమైన మేఘా ఆకాష్ తెలుగులో నితిన్ సరసన లై, ఛల్ మోహన్ రంగ సినిమాల్లో నటించింది. ఈ రెండు సినిమాలు ఆమెకు ఫ్లాప్ తెచ్చి పెట్టాయి.
అయినా సరే మేఘాకు వరుస అవకాశాలు వస్తున్నాయి. ఇక ఇటీవల రావణాసుర సినిమాలో నటించి.. మెప్పించింది. అయితే.. తాజాగా హీరోయిన్ మేఘా ఆకాష్ పెళ్లికి సంబంధించిన ఓ వార్త సోషల్‌ మీడియాలో వైరల్‌గా మారింది. ఈ అమ్మడు త్వరలోనే పెళ్లి చేసుకోబోతున్నట్లు టాక్‌ వినిపిస్తోంది. తమిళనాడు రాష్ట్రానికి చెందిన ఓ రాజకీయ నాయకుడు కుమారుడితోనే హీరోయిన్ మేఘా ఆకాష్ పెళ్లి ఫిక్స్‌ అయినట్లు సమాచారం. వీరిది పెద్దలు కుదిర్చిన ప్రేమ వివాహమని టాక్‌ వినిపిస్తోంది. అయితే.. దీనిపై ఇంకా అధికారిక ప్రకటన రావాల్సి ఉంది.
