దేశాభివృద్ధిలో తెలంగాణ పాత్ర కీలకం అన్నారు మన దేశ ప్రధాని మోడీ. వరంగల్‌లోని ఆర్ట్స్‌ కాలేజీలో విజయ సంకల్ప సభలో ప్రధాని నరేంద్ర మోడీ మాట్లాడుతూ.. తెలుగులో ప్రసంగం మొదలు పెట్టారు. దేశ అభివృద్ధిలో తెలంగాణ ప్రజల పాత్ర ఎంతో ఉందని… నాగ్‌పూర్‌-విజయవాడ ఎకనామిక్‌ కారిడార్‌తో తెలంగాణకు ఎంతో ప్రయోజనం అన్నారు ప్రధాని నరేంద్ర మోడీ.
కాకతీయ మెగా టెక్స్‌టైల్స్‌ పార్క్‌ వరంగల్‌ అభివృద్ధికి తోడ్పడుతుందన్నారు. మేక్‌ ఇన్‌ ఇండియాలో భాగంగానే కాజీపేటలో వ్యాగన్‌ తయారీ యూనిట్‌ అన్నారు ప్రధాని మోడీ. అటు వచ్చే ఎన్నికల్లో గెలిచేది బీజేపీనే అన్నారు ఈటల. ఉత్తర తెలంగాణకు నేడు శుభసూచికం అని తెలిపారు. కేసీఆర్‌ ప్రభుత్వాన్ని గద్దె దించాలని తెలంగాణ ప్రజలు కోరుకుంటున్నారు. బీజేపీ, బీఆర్‌ఎస్‌ ఒక్కటే అని విషప్రచారం చేస్తున్నారు. తెలంగాణకు భరోసా ఇవ్వడానికి మోడీ వచ్చారన్నారు ఈటల.
