బాలీవుడ్లో మరో కొత్త ప్రేమజంట వెలుగులోకి వచ్చింది. విదేశీ విహార యాత్రలో ఉన్న ఈ జంట కెమెరా కంటికి చిక్కింది. ఆ ఫొటోలు కాస్త నెట్టింట వైరల్ అవ్వడంతో ఈ విషయం బయటపడింది. ఇంతకీ ఆ జంట ఎవరంటే.. బీ టౌన్ స్టార్ కిడ్ అనన్యా పాండే.. బాలీవుడ్ యంగ్ హీరో ఆదిత్యా రాయ్కపూర్. ఈ ఇద్దరూ రిలేషన్షిప్లో ఉన్నారంటూ గత కొంతకాలంగా పుకార్లు వస్తున్న విషయం తెలిసిందే. కలిసి పార్టీలకు హాజరవ్వడం.. డిన్నర్ డేట్లకు వెళ్లడంతో వీరి మధ్య ఏదో నడుస్తోందనే ఊహాగానాలు మొదలయ్యాయి.
అయితే ఇప్పుడు ఏకంగా స్పెయిన్‌ టూర్‌లో ఉన్న వీరిద్దరూ అక్కడి వాతావరణాన్ని ఎంజాయ్‌ చేస్తున్న ఫొటోలు వైరల్ అవ్వడంతో వీరిద్దరి రిలేషన్షిప్ను కన్ఫామ్ చేశారు నెటిజన్లు. ఈ ఫొటోల్లో ఆదిత్య.. అనన్యను హగ్ చేసుకుని.. చుట్టూ ఉన్న పరిసరాలను వీక్షిస్తూ దర్శనమిచ్చాడు. వీటిని చూసిన నెటిజన్లు.. ‘బాలీవుడ్లో కొత్త ప్రేమజంట’ అంటూ కామెంట్స్‌ చేస్తున్నారు. ఇక, ఆదిత్య అంటే తనకు ఇష్టమని, అతడి లుక్స్‌ బాగుంటాయని గతంలో ఓ కార్యక్రమంలో అనన్య చెప్పింది. ఆ షో తర్వాత నుంచి ఈ జోడీ తరచూ వార్తల్లో నిలుస్తోంది.
