వైసీపీ నేతలపై టీడీపీ అధినేత చంద్రబాబు మరోసారి మండిపడ్డారు. అల్లు అర్జున్ హీరోగా సుకుమార్‌ దర్శకత్వంలో తెరకెక్కిన ‘పుష్ప’ సినిమాలో తన ఫొటో పెట్టారని.. వైసీపీ వాళ్లు ఏడుస్తున్నారని అన్నారు. విలేకర్లతో ఇష్టాగోష్టిలో మాట్లాడిన చంద్రబాబును.. పుష్ప’లో ఎర్రచందనం స్మగ్లర్‌గా తన నటనతో మెప్పించిన అల్లు అర్జున్‌కు జాతీయ అవార్డు ఇచ్చినప్పుడు.. వైసీపీలోని నిజమైన స్మగ్లర్లకు ఏ అవార్డు ఇవ్వాలి? అని ఓ విలేకరి ప్రశ్నించగా దీనికి ఆయన తనైదన శైలిలో సమాధానమిచ్చారు.
‘‘పుష్ప’లో కొన్ని సన్నివేశాల్లో బ్యాక్‌ గ్రౌండ్‌లో నా ఫొటో ఉంటుంది. ఆ సినిమాలో చూపించిన కాలంలో నేను సీఎంగా ఉన్నాననో.. లేదంటే ఎర్రచందనం స్మగ్లర్లను నేను కంట్రోల్‌ చేశాననో వాళ్లు నా ఫొటో పెట్టి ఉండొచ్చు. దానికే వైసీపీ వాళ్లు ఏడుస్తున్నారు’ అని చంద్రబాబు అన్నారు.
ఇక ఉత్తమ నటుడిగా అల్లు అర్జున్‌కు జాతీయ అవార్డు వచ్చిన సందర్భంగా చంద్రబాబు శుభాకాంక్షలు చెప్పారు. అలాగే, వివిధ విభాగాల్లో పురస్కారాలు సొంతం చేసుకున్న వారందరికీ అభినందనలు తెలియజేశారు.
