నేడు టాలీవుడ్ సీనియర్ నటుడు అక్కినేని నాగేశ్వరరావు వందో పుట్టిన రోజు. ఈ సందర్భంగా తెలుగు రాష్ట్రాల్లో ఏఎన్నార్ శతజయంతి వేడుకలు ఘనంగా నిర్వహిస్తున్నారు. మరోవైపు హైదరాబాద్ అన్నపూర్ణ స్టూడియోలో కూడా ఈ వేడుకలు జరిపారు. ఈ వేడుకకు సినీ రాజకీయ ప్రముఖులు హాజరై ఏఎన్నార్తో తమకున్న అనుబంధాన్ని గుర్తు చేసుకున్నారు.
మరోవైపు సోషల్ మీడియాలో పలువురు సినీ ప్రముఖులు ఏఎన్నార్ గురించి.. ఆయనతో తమకున్న అనుబంధం గురించి పోస్టులు పెడుతున్నారు. ఏఎన్నార్ శతజయంతి సందర్భంగా మెగాస్టార్ చిరంజీవి కూడా సోషల్ మీడియాలో పోస్టు చేశారు. అక్కినేని నాగేశ్వరరావు శత జయంతి ఉత్సవాల సందర్భంగా ఆప్యాయంగా, గౌరవపూర్వకంగా ఆ మహానటుడికి నివాళులర్పించారు. ఆయన తెలుగు సినిమాకే కాదు.. భారతీయ సినీ చరిత్రలోనే ఓ దిగ్గజ నటుడు. ఆయన వందలాది చిత్రాల్లో నటించి.. తెలుగు ప్రేక్షకుల మదిలో చెరగని ముద్ర వేశారని అన్నారు.
‘తెలుగు సినిమా బతికినంత వరకు నాగేశ్వరరావు ప్రేక్షకుల మనుసుల్లో నిలిచి ఉంటారు. ఆ మహానుభావుడి శతజయంతి సందర్భంగా అక్కినేని కుటుంబంలోని ప్రతి ఒక్కరికి, నా సోదరుడు నాగార్జునకు.. అలాగే నాగేశ్వరరావును అభిమానించే కోట్లాది మంది సినీ ప్రేమికులకు నా హృదయ పూర్వక శుభాకాంక్షలు’ అని చిరంజీవి ట్వీట్‌లో పేర్కొన్నారు. దీనికి #ANRLiveson అనే హ్యాష్‌ట్యాగ్‌ను జోడించారు.
శ్రీ అక్కినేని నాగేశ్వరరావు గారి శత జయంతి ఉత్సవాల సందర్భంగా ఆప్యాయంగా, గౌరవపూర్వకంగా ఆ మహానటుడికి నివాళులర్పిస్తున్నాను. 🙏🙏
ఆయన తెలుగు సినిమా కే కాదు భారతీయ సినీ చరిత్ర లోనే ఓ దిగ్గజ నటుడు. ఆయన నటించిన వందలాది చిత్రాల ద్వారా ఆయన నటనా పటిమ, తెలుగు ప్రేక్షకుల మదిలో చెరగని… pic.twitter.com/yrAxhk7pgb
— Chiranjeevi Konidela (@KChiruTweets) September 20, 2023
