Former Ramayampeta MLA : BRS పార్టీలో విషాదం చోటు చేసుకుంది. మాజీ ఎమ్మెల్యే మృతి చెందారు. మెదక్ జిల్లా రామాయంపేట మాజీ ఎమ్మెల్యే ఆర్ఎస్ వాసురెడ్డి (80) అనారోగ్యంతో గురువారం మధ్యాహ్నం కన్నుమూశారు. మెదక్ జిల్లా చేగుంట మండలం పోలంపల్లికి చెందిన వాసురెడ్డి ఉపసర్పంచ్ గా రాజకీయ ప్రస్థానం ప్రారంభించారు.
1984 నుంచి 1989 వరకు రామాయంపేట నియోజకవర్గం ఎమ్మెల్యేగా పనిచేశారు. బిఆర్ఎస్ లో చేరి మెదక్ జిల్లా కన్వీనర్ గా బాధ్యతలు నిర్వర్తించారు. వాసురెడ్డికి భార్య పద్మ, కూతుళ్లు వసంత, జయంతి, కుమారుడు చంద్రశేఖర్ రెడ్డి ఉన్నారు. చేగుంట మండలం పొలంపల్లిలో శుక్రవారం అంత్యక్రియలు జరగనున్నాయి. మెదక్ జిల్లా రామాయంపేట మాజీ ఎమ్మెల్యే ఆర్ఎస్ వాసురెడ్డి (80) అనారోగ్యంతో మృతి చెందటం పట్ల బీఆర్ఎస్ పార్టీ నేతలు సంతాపం తెలిపారు. అటు సీఎం కేసీఆర్ కూడా సంతాపం తెలిపారు.
