భారత రాష్ట్ర సమితి పార్టీ ఎమ్మెల్యే గువ్వల బాలరాజుకు ఊహించని షాక్ తగిలింది. నాగర్ కర్నూలు జిల్లా అచ్చంపేట భారత రాష్ట్ర సమితి ఎమ్మెల్యే గువ్వల బాలరాజు పై…రాళ్ల దాడి జరగడం కలకలం రేపింది. శనివారం రోజున రాత్రి ప్రచారం ముగించుకొని వెళ్తున్న సమయంలో గువ్వల బాలరాజు వర్గానికి మరియు స్థానిక కాంగ్రెస్ పార్టీ శ్రేణులకు మధ్య సంఘర్షణ చోటుచేసుకుంది.
దీంతో ఇరు వర్గాలు రాళ్లతో దాడులు చేసుకోవడం జరిగింది. ఇలాంటి నేపథ్యంలో ఎమ్మెల్యే గువ్వల బాలరాజు సహాబ్ రెండువైపులా పలువురు కార్యకర్తలకు గాయాలు అయ్యాయి. ప్రాథమిక చికిత్స అనంతరం గువ్వల బాలరాజును హైదరాబాద్ తరలించినట్లు సమాచారం అందుతుంది. ఈ సంఘటనలో బాలరాజుకు గాయాలు బాగానే అయినట్లు తెలుస్తోంది. ఇక ఈ సంఘటనపై పోలీసులు కేసు నమోదు చేసుకుని దర్యాప్తు చేస్తున్నారు. ఈ సంఘటన గురించి ఇంకా వివరాలు తెలియాల్సి ఉంది.
