జాతీయ అవార్డు గ్రహీత ఆదిత్య సుహాస్ జంభలే డైరెక్షన్ లో బాలీవుడ్ న‌టి యామి గౌతమ్ ,ప్రియ‌మ‌ణి ప్ర‌ధాన పాత్ర‌ల్లో న‌టించిన సినిమా ‘ఆర్టికల్ 370’.ఫిబ్రవరి 23న ప్రేక్షకుల ముందుకు వచ్చిన ఈ చిత్రం ప్రశంసలు అందుకుంది.బాక్సాఫీస్ వద్ద రూ.100 కోట్లకు పైగా కలెక్షన్స్‌ రాబట్టింది. కొత్త సంవత్సరంలో వందకోట్లకు పైగా వసూళ్లు రాబట్టిన జాబితాలో నాలుగోస్థానం సొంతం చేసుకుంది. ఈ సినిమాని జియో స్టూడియోస్, A B62 స్టూడియోస్ బ్యాన‌ర్‌ల‌పై ఆదిత్య ధ‌ర్ నిర్మించాడు.
థియేటర్లలో సూపర్ హిట్‌గా నిలిచిన ఈ మూవీ ఓటీటీకి సంబంధించి మేకర్స్ క్రేజీ అప్‌డేట్ ఇచ్చారు. ఈ మూవీ ఏప్రిల్ 19 నుంచి ఓటీటీలో స్ట్రీమింగ్ కానున్నట్లు చిత్ర యూనిట్ ప్రకటించింది. ఆర్టికల్ 370 ఓటీటీ రైట్స్‌ను ప్రముఖ ఓటీటీ దిగ్గజం జియో సినిమా దక్కించుకున్న విషయం తెలిసిందే. థియేటర్లలో మిస్సయినవారు ఎంచక్కా ఓటీటీలో చూసేయండి. కాగా, ఈ చిత్రం విడుద‌ల కాక‌ముందే ప్ర‌ధాని నరేంద్ర మోడీ కొన్ని విషయాల గురించి సరైన సమాచారం తెలుసుకోవాలంటే ‘ఆర్టికల్ 370’ లాంటి సినిమాలను చూడాలని తెలిపిన విషయం తెలిసిందే.
